1 JOHN 1:2 - Hakcipta - Biatah Bidayuh

² Kan udip anŭ dog pinandŭng, kieh kiris-I. Anŭ meh sabab kieh minyu pasar-I ka kidaan di angān pasar udip adi sawŭ adi tan adu adu adi mbŭh agi ngga Sama ka mbŭh dog kidaan di kieh.

1 JOHN 1:2 ပူးပေါင်းရင်းမြစ်များ

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 1:4

Pinganang inŭh adi atak udip, ka udip anŭ taban jawa ka manusia.

JOHN 10:28

Aku nggen di ngara udip adi sawŭ adi tan adu adu, ka ngara ngaŭn dŭh re kabŭs. Mating daya re bisa sirabut ngara so tangan Ku.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 15:27

Ka angān gŭh, re minyu pasar Aku, sabab angān mbŭh agi ngga Aku so sibungas-i.

JOHN 16:28

Aku sawŭ mandŭg so Sama, ka Aku mbŭh mandŭg ka ong; ka madin Aku re bu so ong di ka Sama.”

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

JOHN 17:5

Sama! Nyibragah Aku madin ngga bragah anŭ adi Aku ko biyŭn ngga Kaam sibayuh ong dog napa.

JOHN 19:35

Sianŭ adi ko kiris kayuh ati muko minyu pasar-i, isa angān gŭh sua sabah. Kayuh adi nang-i taŭn sawŭ, ka ayŭh puan nang adŭp-i nang kayuh adi sawŭ.)

JOHN 21:14

Ati mbŭh adi pitaruh saba Jesus pinandŭng adŭp-I di bara murid ripas Ayŭh dog pakat so kabŭs.

JOHN 3:13

Mating daya ko maad ka shorga, adŭ-i Anak Manusia, adi mandŭg so shorga.”

JOHN 7:29

Aku puan Ayŭh, sabab Aku mandŭg so Ayŭh, ka Ayŭh inŭh adi bada Aku mandŭg.”

JOHN 8:38

Aku minyu pasar kayuh adi Sama Ku mbŭh kiren di Aku, pak angān ndai anŭ adi sama ngan bada angān ndai.”

PINGANDAI 10:41

dŭh di sopŭrŭg daya, pak di bara saksi adi Tapa mbŭh mien, anŭ inŭh, kieh adi ko man nok ngga Ayŭh ripas-I makat so kabŭs.

PINGANDAI 2:32

Tapa mbŭh pakat adŭp Jesus ati so kabŭs, ka kieh mbŭh saksi di kayuh anŭ.

PINGANDAI 3:15

Angān siŭ sianŭ adi nggen aran nuju udip adi sawŭ, pak Tapa mbŭh pakat Ayŭh so kabŭs, ka kieh ati mbŭh bara saksi di kayuh anŭ.

PINGANDAI 5:32

Kieh ati inŭh saksi di kayuh ati, simŭnŭ gŭh Roh Kudus, adi pinganggen Tapa di tadŭ daya adi tunda pinganang Tapa.”

ROME 8:3

Kayuh adi Ukum-adat dŭh tungang ndai, sabab manusia ramah darŭm tibiat-i, Tapa mbŭh ndai. Ayŭh nunggu dosa darŭm tibiat manusia darŭm-I pait Anak adŭp-I, adi mandŭg ngga tibiat adi brimun ngga tibiat ta adi bidosa, yŭn ngarah dosa.

GALATIA 4:4

Pak kan tipuh-i mbŭh mandŭg, Tapa pait Anak adŭp-I. Ayŭh anŭ dog biranak so ndi naan dayung, ka udip di ribo Ukum-adat Jahudi,

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

2 TIMOTHY 1:10

pak madin pinyirasi mandis-I mbŭh dog pinandŭng di ata so ka pimandŭg Pinyikudip ta, Kristus Jesus. Ayŭh mbŭh kinating kuasa pinyikabŭs ka mbŭh pinandŭng so Agah Kana anŭ pimudip adi tan adu adu.

TITUS 1:2

adi bisangan di pingarap ta yŭn udip adi sawŭ adi tan adu adu. Tapa, adi dŭh kadong, ko bijanji diŭ so ong jadi an nggen udip anŭ di ata,

1 PETER 5:1

Aku, adi adŭp nyamba eklisia, mite bara nyamba eklisia di dupan ngan puan. Aku ati saksi jera-birasa Kristus, ka aku re sua dapu bragah adi re dog pinandŭng. Aku mite angān

1 JOHN 1:1

Kieh nuris ka angān pasar Pinganang adi nggen udip, adi taŭn mbŭh agi so sibungas-i. Kieh mbŭh dingah pasar-I, ka mbŭh kiris-I ngga batŭh adŭp ami; sawŭ kieh mbŭh kiris-I, ka tangan adŭp ami mbŭh tama-I.

1 JOHN 2:25

Ka ati inŭh kayuh adi Kristus ko bijanji an nggen di ata, udip adi sawŭ adi tan adu adu.

1 JOHN 3:5

Angān puan nang Kristus ko nandŭng sabab an taran dosa. Di adŭp-I mating dosa.

1 JOHN 3:8

Daya adi babŭ bidosa taŭn-i dog dapu Siarap, sabab Siarap taŭn mbŭh bidosa so sibungas-i. Anak Tapa ko nandŭng sitagar kayuh ati, di pirabur kayuh adi Siarap ko ndai.

1 JOHN 4:14

Ka kieh mbŭh kiris ka kidaan di daya bŭkŭn Sama ko pait Anak-I da jadi Pinyikudip ong.

1 JOHN 4:2

Simuti inŭh angān bisa puan sawŭ kah dŭh anŭ Roh Tapa: tadŭ tadŭ daya adi ngaku Jesus Kristus ko mandŭg darŭm gayŭn manusia, mbŭh biyŭn Roh adi mandŭg so Tapa.

1 JOHN 5:11

Taksi anŭ agi simuti: Tapa mbŭh nggen di ata udip adi sawŭ adi tan adu adu, ka udip anŭ inŭh so Anak-I.

1 JOHN 5:13

Aku nuris ati ka angān isa angān puan adŭp ngan biyŭn udip adi sawŭ adi tan adu adu, angān adi sabah di Anak Tapa.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.