Nehemia 9:6 - Qaraaka uva tivatora

⁶ Noravauvo, areqaima Noravano Kotiva varianarave. Naaruvaini vai haikarave, opu makau niaraini vai haikarave, maa vatarave, maa vataraqaa ekaa haika vairavata, nora namarivata, ekaa namariqi vai haikaravata areqaima autukera vataanarave. Ekaa qaqi variqi vi varia haikauka variavara are nena vika qaqi variqi vi haikara nimiaramantara ti, vika qaqi variqi vi variarave. Naaruvaini variaka airitahaa ekaa vika ai autuma tuaherake variavo.

Nehemia 9:6 ပူးပေါင်းရင်းမြစ်များ

Okara 1:1

Tota hoqarero Kotiva naaruvavata vatavata autu kero vatora.

Okara 1:9

Vira qararaa Kotiva tiharo, Nora namari miani vairava vohaanaini otiniraro aahara vatavano qovaraiqama viro variarire, tiro. Minti tuvaro Kotiva tunte iro, namarivano vohaanaini otinuvaro aahara vatavano qovaraiqaa viro vaura.

Okara 2:1

Mintima kero Kotiva naaruvavata vatavata autu taiqakero vatora.

Okara 32:2

Iekopiva vika tavero tiharo, Ike, maini Kotira seri naavu maaqa kaqate varianainive, tivakero vi vatara autu nteharo, Mahanaiminive, tura.

1 King 22:19

Minti tuvaro Mikaiaava qaiqaa tiharo, Ho iri vaiqe te Noravano Kotiva ti humiqai uvara ni tiva nimiare. Te vaiha tavauraro Noravano Kotiva nai avuhainaa taintaqaa oquvi vaimanta naaruvaihainaa iqoka vaiinti vika ekaa vira kauqu tanarainivata kaanaaqainivata variarave.

1 King 8:27

Te ariara tiha, Quqaae Kotiva maa vataraqaa tuvu vaiharo variqiro vuanarove? turo. Ike, virini naaruvavano nai nora vatukavano vaivarovata, kia are mini vaina vatukava ho vaivo. Naaruvavano kia ho vairara tiro, te ai kaqa amitauna naavuvavata kiama ho varianarove.

2 King 19:15

Nora Kotira aarero tiharo, Mpo, Noravauvo, are tinavu Isareri Variqavano vaihara are nena avuhainaa taintaqaa oquvi variaramanta aroka vataa enselinavu ai hini hini mantaraini variavara variaro. Areqai Variqavano vaiharara tira, are ekaa maa vataraqaa raqiki variaravama variaro. Are vatavata naaruvavata autu kera vataaravama variaro.

2 King 19:19

Noravauvo, are tinavu Variqavano variaro. Mpo, vate are Asiria King Senakeripira kauquqihaira tinavu tivita varaane. Are mintiramanta ekaa maa vataraqaa variaka tave ariara tiha, Noravano Kotiva vivaqaima Variqavano vaivo tivarave, tura.

Nehemia 9:5

Vika mintumanta Rivaira anku vonavu Jesuaavave, Katmielivave, Banivave, Hasapaneaavave, Serebiaavave, Hodiaavave, Sebaniaavave, Petahiaavave, vika tiha, Ne ekaa himpi vaiha Nora Kotira nenta Variqa autu tuahera kaate. Kaiqe tenavu ekaa enta ekaa enta vira autu tuaheraqi vuare, tivake Kotira aareha mintima ti: Ai autuvano uritarero koqe autu vairara ti, tenavu ai autu koqemake tuahera kaarirava kia ho vaivo.

IHI (Psalms — Buk Song) 102:25

Haaruqama kera are maa vatara tuqa autukera arataanarave. Are nena kauquqohaira naaruvavata autukero vataanarave.

IHI (Psalms — Buk Song) 103:21

Ne vira iqoka vaiinti naaruvaini vaiha vira antuqa avataqi ni variaka, ne ekaa Nora Kotira autu tuahera kaate.

IHI (Psalms — Buk Song) 115:15

Kairaro Noravano Kotiva naaruvavata vatavata autu kero vataiva, viva ni koqema nimitaarire.

IHI (Psalms — Buk Song) 124:8

Noravano Kotiva naaruvavata vatavata autukero vataiva, vivama tinavu kahaqiariravama vaivo.

IHI (Psalms — Buk Song) 146:6

Noravano Kotiva naaruvave vatave nora namarive autu kero vatero, ekaa viraqi vai haikaravata autu kero vataira. Viva nai vaiinti nahentiara tivatai uvara kia qaqira karaitiro, ekaa entama vikaqaa raqikiqiro vuanaro.

IHI (Psalms — Buk Song) 24:10

Avuhainaa Vaiinti vira mpeqa okaravano takuqi vaiva, viva tavave? Viva Noravano Kotivave. Viva ekaa kempuka vataava vaivaro, vira mpeqa okaravano takuqi vairave. Viva Avuhainaava avuni vaivama vaivo, turo.

IHI (Psalms — Buk Song) 33:6

Noravano Kotiva ti uvava naaruva autu kero vataivaro vaira. Kuarive, torave, opu makauve, viva tivaro ekaa vi haikava vi haikava qovarama viro vaira.

IHI (Psalms — Buk Song) 36:6

Nora aiqinavano kempukaiqama kero vaintema kero, ai avuqavu okaravano paama tivakero vairave. Are avuqavuqama kera ko ti variara okarava vaireva, viva nora namarivano veva muntukara vai namarira voqaarama vairave. Noravauvo, are vaiinti nahentiqaavata, ekaa aantauvahiqaavata, raqiki variaramanta vika koqemavi variara.

IHI (Psalms — Buk Song) 86:10

Are kempukavano vaihara nora kaiqa, vo kaiqa vo kaiqa vare variaravama variaro. Areqaima Variqavano variaro.

Ieremaiaa 32:17

Noravauvo, are ekaa haikaqaa raqiki variaravave. Are nena nora kempukaqohaira vatavata naaruvavata autukera vataanarave. Kia vo kaiqa maara ntairava vairaravauve are kia ho varenarave. Are ekaa kaiqa homa varenarave.

Ionaa 1:9

Vika minti tuvaro Ionaava vika nái tiva nimiro tiharo, Te Hiparu vatanaakave. Te Noravano Kotiva naaruvaini vai Variqara autu tuaherake vauraukave. Noravano Kotiva nora namarivata vatavata autukero vataivave, tiro.

Ioni 10:30

Tetanta Qoka vohaama vauro, tiro.

Kaiqa Varora 4:24

Tiva nimumanta vi uvara iri, vika ekaa Kotira aareha mintima ti: Noravauvo, are ekaa haika autu kera vataaravave. Naaruvave, vatave, nora namarive, ekaa haika naaruvainive, vatainive, namariqive, vai haikara areqai autu kera vataanarave.

Hiparu 1:3

Kotira mpeqa okaravano nai vira Maaquqivata ataa i vaira. Vira Maaqu okaravanovata, vira Qora okaravanovata, vohaa qaramakero vaira. Vira Maaquvano tivatai uvaraqaahairo ekaa naaruvainivata, vatainivata, vai haikava qaqi variqiro vi vaira. Vira Maaquvano vaiinti nahenti qora kaiqa vare varia uvara nunka nimitero oru naaruvaini Kotiva ekaa kempuka vataiva vainaini vira kauqu tanaraini oquviro vaira.

Hiparu 1:6

Kotiva nai Maaqu avuhainaara vataini varakare iharo mintima tiro: Ekaa enseli vika vira autuqai tuaheraqi vuate, tura. (Lo 32:43)

Qoqaiqama Kora 14:7

noraiqaakero naveraitiharo, Kotiva vaiinti nahenti ko tiarira entava aniraimantara ti, ne Kotirara qeteha vira autu tuahera kaate. Vivama naaruvavata, vatavata, nora namarivata, ruvu namarivata, autu kero vataivave. Viraqai quahama amiteha tinavu Variqavano vaivo tiate, tiro.

Qoqaiqama Kora 4:11

Are Variqavano tinavuqaa raqiki variaravave. Are ekaa haika autukera qovarama kaaravave. Minti varianarara ti, tenavu ai quahama amiteha tiha, Ai okaravano mpeqa okarama vaivo. Ai autuvano viriniqama viro vaivo. Ai kempukavano uritara keroma vaivo. Are uva tianaraqaahairo ekaa haikavano qovarama viro qaqi variqiro vi vairave, ti vaura.