Nehemia 9:19 - Qaraaka uva tivatora

¹⁹ Vika minti minti iavaravata, are mpo ike ti variaravara tira, are kia vika aahara vataini qoririma karaitira, tota ianantema kera, are aatitairaqaa quromura vaavi vairaqi avuni vihara, tinavu kaivaqaukavara aara numiqe varianarave. Are entaqi iha vaavi ite vairaqi vaihara, tinavu kaivaqaukavara aara ataama nimite varianarave.

Nehemia 9:19 ပူးပေါင်းရင်းမြစ်များ

Nehemia 9:12

Vi entara aatitairaqaa are quromura vaavi vairaqi vaihara, avuni vihara tinavu kaivaqaukavara aara numiqaanarave. Entaqi iha vaavi ite vairaqi are vaihara, tinavu kaivaqaukavara aara ataama nimite varianarave. (Katu Varora 13:21-22)

Nehemia 9:27

Ai vaiinti nahenti minti variara kaara are navutaaka qaqi kaaramanta navutaaka vika naatarake vikaqaa nora maara vate variarave. Ho ai vaiinti nahenti tinavu kaivaqaukavara nora maaraqi vaiha ai aaraavara are naaruvaini vaihara vika uva irianarave. Are vika uva irira vikara noraiqaakera aaqurihama nimitehara vaiinti vonavu nititaara vinavuka nái navutaaka kauquqihai vika ruaruama nimitaarave.

Nehemia 9:31

Are tinavu kaivaqaukavara navutaaka kauquqi keharavata, are kia vika ekaara qoririma kaanarave. Are voqama kera aaqurihama nimite variarava varianarara tira, are vika kia ekaara qoririma kera vehi autu taiqa kaanarave. Are vaiinti nahenti aaqurihama nimitehara koqema nimite variara Variqavama variaro.

IHI (Psalms — Buk Song) 106:45

Viva aaqurihama nimite vaivara tiro, vika uva iriro, nai haaru tivakero taatau tai uvarara iriteharo, vika vehakuma nimitaira.

IHI (Psalms — Buk Song) 136:16

Viva aahara vataini nai vaiinti nahenti ntita varero virave. Vira muntukavano tinavuara ekaa entama variqiro vuanarove.

Katu Varora 40:36

Tonavuvano Seri Naavuqaa hihipaa iro vau entara Isareri vika miniqai variqi vi vaura. Viraqaahai vika tavovaro tonavuvano Seri Naavu kero vumanta vi entara vika tonavu vira avataqi viha, nái seri naavu maaqa rampai vare tonavu vira avataqi vi vaura.

Katu Varora 40:38

Ho aatitoraqaa vo enta vo enta vika tavovaro Noravano Kotiva tonavu viraqi vauva Seri Naavu qiataqaa vaumanta entaqi vika tavovaro tonavu viraqi ihavano ite vaura. Isareri vika aahara vataini nuvaqi vu entara vika mintimake vi haikara tavora.

Kaarantura 14:14

viraqaahai vika maa vataraqaa variakavata tiva nimivarave. Maa vataraqaa variaka kankomake iriavara are nena vaiinti nahenti hampata variaramanta ai vaiinti nahenti ai tave variarave. Maa vataraqaa variaka iriavara are kuariqaa quromuravano vaavi vairaqi vaihara tinavu avuni vihara, entaqi ihavano viavi ite vairaqi are tinavu avuni vi varianarave.

1 Samueri 12:22

Noravano Kotiva nai antuqaqaa ni nai kaama taimanta ne vira vaiinti nahenti variarara tiro, viva nai nora autuara iriharo kiama ni qoririma kaanarove.