Nehemia 6:9 - Qaraaka uva tivatora

⁹ Tinavu navutaaka tinavuara vika qeteha vi kaiqara qaqira kaate ti, vika una uva ti vaura kaara te Kotira aareha mintima ti: Mpo, Kotio, are ti kempukaiqama timitairaqe te vi kaiqara ho varaare, tunara.

Nehemia 6:9 ပူးပေါင်းရင်းမြစ်များ

Nehemia 6:14

Viraqaahai te Kotira aareha mintima ti: Kotio, are Tobiaaka Sanbalaatika varaa kaiqara irihara vitanta ntaihaane. Paropeti nahenti Noadiaarave, vo paropeti vaiintinavuve, are vikaravata iritaane. Vikavata tiriara aatu itaarire ti, una uva tiriara ti variarave, ti. Te Kotira aareha minti tunara.

IHI (Psalms — Buk Song) 138:3

Te ai aarauna entara are ti uva irira, ti kempukaiqama timite variaramanta te kia qetaraiti vaunara.

IHI (Psalms — Buk Song) 56:3

Mpo Kotio, te qete variaina entara te ariara noraiqaake iriqi virerave, turo.

IHI (Psalms — Buk Song) 68:35

Mpo Kotio, are nena turuaraini variaramanta tenavu ai aatu voqamake qeteha vauro. Isareri Variqavano tinavu nai vaiinti nahenti kempukaiqama timite vaimanta tenavu ho vaunara. Kaiqenavu Kotira autu tuaheraqi vuare.

IHI (Psalms — Buk Song) 71:1

Noravauvo, vokiaka ti qoraiqama timitevorave ti, te are iananaini anuro. Mpo, kia ti navutaaka qaqi kairamanta vika kaurira haika ti timiate.

Aisaiaa 40:29

Vaiinti nahenti kempukavano taiqa vimanta variaka viva vika kempukaiqama nimite vairave. Viva quqerara vaiinti nahenti kahaqama nimite vaimanta vika kempukaiqamavi ho variarave.

Ieremaiaa 38:4

Te Noravano Kotiva vi uvara tivo turamanta vaiinti 4 navu vi uvara iri, orunte avuhainaa vaiintiara tiha, Maa vaiintira arukevama vaivo. Viva minti ti vaira kaara, tinavu iqoka vaiinti iqoka raqi kempukava kia vaimanta vaiinti nahentivata qeteha kia tenavu ho vairarave ti variarave. Viva kia maa vaiinti nahentika kahaqama nimitaraitiro, vika qoraiqama nimitareva auti vaivo, ti.

2 Korinti 12:9

viva aqao tiro, Are mintiaqira vi vairaqe te homa ai koqema amitaqi virarave. Are uqerara vaiinti variqira vi vairaqe viraqaahai te homa ai kempukaiqama amitaqi virarave, tiro. Viva minti tivera te aihavi haikara varaqi viha uqerara vaiinti variqi vuainarara viraraqai iriha tenta mahuta tivaqi virera. Te mintiaqi vi vauraro Karaitiva ti kempukaiqama timite vaimanta variqi vi vaunara.

Epasaasi 3:16

Kotira okaravano uritara kero takuqi vaimantara ti, te Kotira aarehama niara mintima ti: Kotio, nena Maraquraqohaira vika avu aato muntukaqi kempukaiqama nimitaira

Epasaasi 6:10

Ho te tenta uva taiqa karera mintima ti: Nora Vaiinti vira kempukaqaa ne kempukaiqamake variqi vuata.

Piripai 4:13

Karaitiva ti kempukaiqama timitairaqe te homa ekaa haika varaqi virara.

Hiparu 12:12

Kotiva niara avuqavumake variqi vuate tiro, ni ruqutiharo utete vaimantara ti, kia aiqu kauqu raqantaate qumina vairaiti, aiqu kauqu rantuta keha kempukaiqamake variata.

1 Pitaa 5:10

Ne ahora vaiinti nahenti vaiha aihavina haikara vahuqa varaqi vivaro Kotiva naima ni kempukaiqama nimitaanaro. Kotiva ni kempukaiqama kaimanta ne kempuka vaiinti nahentiqai vaihama avuqavu variqi vivara. Kotiva tinavu kahaqireva koqema timite vaiva, vivama niara vika Karaitira vataake vohaa vaiha kempukaiqamake ekaa enta variqi vuate tiro, ni naarama taira.

1 Samueri 30:6

Mintumanta Devitira iqoka vaiinti vika virara arara itomanta nuntu nauntu tiha, Oho, Devitira kaarama navutaaka tinavu nahentivata vaintivata ravaaqavuke ntita vare vuavo, tivake nai tiva ami nai tiva ami tiha, Kaiqe ori varake Devitira arukaare, ti vauvaro Devitiva vika uva iruvaro vira muntuka voqamakero qoraiquvaro viva nai Variqa Nora Kotirara noraiqaakero iriqiro vuvaro viva vira kempukaiqama amitora.