Nehemia 10:1 - Qaraaka uva tivatora

¹ Minti tivake maa vaiintinavuka nái nutu vi uvaraqaa qara ntuvatora: Hakariaara maaqu Kamaanira avuhainaa vaiinti Nehemiava. Kotira kaiqa vara amite vau vaiintinavuka: Sedekaiava.

Nehemia 10:1 ပူးပေါင်းရင်းမြစ်များ

2 King 23:3

Viva vukai pohivano Kotira Naavu avuni vaura aumanto himpi vaiharo Nora Kotira avuqaa nai kauqu aiqiqaa aqukero tiharo, Te Nora Kotira viraqai avataqi viha te ekaa viva tivato uvarave, viva minti mintiate tu uvarave, viva ekaa uva maara turave, te tenta muntuka maraquraqihai vi uvara iriqi vireravema turo. Vukuqi qara ntuva taantemake, te vira uva iriqi virerave, tiro. Minti tumanta ekaa vaiinti nahentivata nái kauqu aiqiqaa aqukeha tiha, Tenavuvata vohaa qaramake Kotiva tiva taatauto uvara iriqi virerave, tura.

Nehemia 1:1

Maa uvava vaireva, Hakariaara maaqu Nehemiava varo kaiqara uvama vairo. Nehemiava mintima tiro: King Atasekesisiva 20 ihiara raqiki vau entara Kisilevi toraqaa te nora vatuka Susaaqi variavaunara.

Nehemia 10:2

Seraiaava, Asariaava, Jeremaiaava,

Nehemia 10:30

Tenavu kauqu aiqiqaa aqukeha tiha, Tenavu kia tentanavu raavura vika vo vatanaaka tinavu tataaqa vaika nimirerave. Tenavu tentanavu maaqu vika nahenti vara nimirera kia tenavu vo vatanaaka tinavu tataaqa vaikaqihai vara nimirerave. (Katu Varora 34:16)

Nehemia 7:65

Vika minti tuvaro kamaanira avuhainaava vivavata tiharo, Kotira iha quara amite kararavata nenavu kia ho nevarave. Nenavu vaivaro naantiara Kotira kaiqa vara amite vaina vaiintiva, viva Urimi Tumimi okara kankoma kero tavairava vairera, vi vaiintiva ninavu uva homa avuqavuqama nimitaanarove, tura.

Nehemia 7:70

Kotira Naavu qaiqaa kaqerara iriha airi vaiinti nahenti maantimake monuve, vo haika vo haikave, ruvaaquma kora: Kamaanira vaiinti avuhainaava: kori ori vira maaravano 8 kilo kori oriqohai aututo tanura 50navu Kotira kaiqa vara amite vau vaiintika utavaaqa 530navu. Vo anku vo anku vika nora vaiintinavu: kori ori vira maaravano 168 kilo silvaa ori vira maaravano 1,250 kilo. Qaqi vaiinti nahenti: kori ori vira maaravano 168 kilo silvaa ori vira maaravano 140 kilo Kotira kaiqa vara amite vau vaiintika utavaaqa 67navu. Mintimake Kotira Naavuara iriha vi haikara vi haikara ruvaaqumake vatora.

Nehemia 8:9

Kotiva Mosiraqaa tivato uvara Esraava kaara nti vaumanta vaiinti nahenti vi uvara okara iruvaro vika muntuka qoraiqumanta iqi rate vaura. Mintumanta kamaanira avuhainaava Nehemiava vo, Esraava Kotira kaiqa vara amite vau vaiintiva kankoma kero Kotira uva tiva nimi vauva vo, Rivaira anku uva tuqantaake tiva nimi vauka vo, vinavuka vaiinti nahentiara tiha, Kia iqi rataate. Maa entava vaireva, Nora Kotira ni Variqa vira entave. Virara iriha hauri ni muntuka qoraiqira iqi ratevorave.

Nehemia 9:38

Vika Kotira aaramake tiha, Tenavu vaaka tuna uvarara iriha, vate tenavu Isareri vohaa uva vateha tentanavu kauqu aiqiqaa aqukeha Kotirara quqaa tirerave: Tenavu maa entaraqaahai Kotiva uva tivataira avataqi virerave, turo. Tenavu kia vi uvara qumina noqihai tiraiti, tenavu vi uvara qara ntuvake qara viraqaa tentanavu nora vaiinti nutuvata, Rivaira anku nutuvata, Kotira kaiqa vara amite varia vaiintika nutuvata, vataare. Vi uvava kempukaiqama vuarire ti, tentanavu ringiqohai qara viraqaa taatau kaare, tura.

Katu Varora 24:4

viraqaahairo Mosiva Noravano Kotiva tu uvara ekaa vi uvara qara ntuvatora. Mintumakero vira qararaa vaaka toqaqi viva himpiro ofaa tainta vo aiqina auvoqi autukero, Isareri vika anku 12navuara iriharo nora ori 12navu vara kero vataqi vaavi aratora.