Nehemia 1:10 - Qaraaka uva tivatora

¹⁰ Mpo, tenavu Isareri ai vaiinti nahentive, ai kaiqa vaiinti nahenti vaunarave. Are haaru nena kempukaqohaira tinavu Isareri ruaruama timitaanarave.

Nehemia 1:10 ပူးပေါင်းရင်းမြစ်များ

IHI (Psalms — Buk Song) 136:12

Viva nai kempuka kauquqohairo vika ntita varero anirave. Vira muntukavano tinavuara ekaa entama variqiro vuanarove.

IHI (Psalms — Buk Song) 74:2

Ho iritaane. Haaru Isipi vatanaaka tinavu Isareri rumpa taamanta vaurara are tinavu ruaruama timitera, tinavu Isareriara vika tinta vaiinti nahenti variate tivakera tinavu kaama taanarave. Saioni Aiqinaravata iritaane. Haaru are tinavu hampata vaireva, Saioni Aiqinaqaa variqira vuanarave.

IHI (Psalms — Buk Song) 89:14

Kempuka naaquratanta arataava naavu kempukaiqama taintemake, are avuqavu ni variana okaravavata, are avuqavuqama kera ko ti variana okaravavata, are raqiki variana taintara kempukaiqama taivara, are viraqaa oquvi vaihara vaiinti nahentiqaa koqema kera raqiki varianara. Kaiqa vaiintitanta nái nora vaiinti avuni viha vira kahaqi variantemake, ai muntukavano vaiinti nahentiara vai okaravavata, are vaiinti nahentiara noraiqaakera iri variana okaravavata, vitanta ai kahaqi variavara are vaiinti nahentiqaa koqema kera raqiki varianara.

Katu Varora 15:13

Are tinavu aaqurihama timitehara tinavu kuvantu timitera tinavu tivita varera anianarave. Are nena kempukaqohaira tinavu tivita varera, nena takuqukera vainanaini tinavu vuru kenarave.

Katu Varora 32:11

Noravano Kotiva minti tuvaro Mosiva aqao tiro, Mpo, Noravauvo, are mpeqaiqama kera nena vaiinti nahenti Isipihaira ruaruama kera ntita varera maini viri kaarauka variavara hauri are vikara arara itairara vehi autu kerorave.

Katu Varora 6:1

Minti tuvaro Noravano Kotiva Mosirara tiharo, Te Pero vaiinti autu amitaaina okarara are vate vaihara tavenarave. Te tenta kempuka vira umiqaariraro viva ni Isareri qaqi kairamanta vivarave. Te mintimake vira vahauru kaariraro Pero vaiintivano nai vataqihairo ni Isareri ntata kaarire, tiro.