Iosuaa 1:17 - Qaraaka uva tivatora

¹⁷ Haaru tenavu Mosira uva koqemake iriqi vunantemake, vate tenavu ai uvavata koqemake iriqi virerave. Noravano Kotiva Mosira vataakero variqiro vuntema kero, viva qaiqaa ai vataakero variqiro vuanarove.

Iosuaa 1:17 ပူးပေါင်းရင်းမြစ်များ

2 Samueri 14:17

Ho te vate maini ani vaurara are ti nora vaiinti ti avuhainaava vaihara minti tiararo ti muntukavano paru imanta vauro. Avuhainaao, te tavaurara are Kotira enseli voqaara vaiharama, koqe okarave qora okarave ho tuantikera tave variaravama variaro. Ho Noravano Kotiva ai Variqavano ai hampata variarire, tiro.

1 King 1:37

Noravano Kotiva ai kahaqintema kero, viva Soromonura hampata vaiharo viravata kahaqiarire. Noravano Kotiva Soromonura koqema amitairaro viva avuhainaa vaiinti mpeqavano vaiharo ai nora autuvata aatara kero nai nora autu vataava variarire, tura.

IHI (Psalms — Buk Song) 20:1

˻Avuhainaao˼, kairaro nora maaravano ariqi vaina entara Noravano Kotiva ai kahaqiarire. Kairaro tinavu kaivaqara Iekopira Variqa nora autu vaiva viva ai antua amitaarire.

IHI (Psalms — Buk Song) 20:4

Kairaro ai muntukavano vaina haikara viva ai amiro, are nana kaiqa varareva aatoqi iritenara viravata ai amiarire. ˻Te ai avuhainaarara irihama Kotira aarama amitauro.˼

IHI (Psalms — Buk Song) 20:9

Noravauvo, are tinavu avuhainaa vaiinti kahaqiraro viva tinavu navutaaka naatara kaarire. Tenavu ai aaraaina entara are tinavu uva irira, tinavu kahaqama timitaane, turo.

Kaarantura 27:18

Mosiva minti tuvaro Noravano Mosirara tiharo, Nunira maaqu Iosuaava, viva homa ti kaiqa varaarira vaiintivama vaivo. Are vira vita varera vuru Eleasaava ti kaiqa vara timite vai vaiintivavata, ekaa Isarerivata, varianaini kera, vika nivuqaa vaihara nena kauqu vira qiataqaa vatera, vaiinti nahenti tiva nimira mintima tiane: Iosuaava ti vatuka varaariravama vaivo, tiane.

Kaarantura 27:20

Minti tivakera are vaiinti nahenti nivuqaa vaihara nena varena kaiqara hini Iosuaara amira, vira noraiqama kairamanta ekaa vaiinti nahenti Iosuaava tina uvara iriha vira avataate.

Matiu 21:9

Vuqi amite Ihura avuni vi vau vaiinti nahentikavata vira naantiara ani vau vaiinti nahentikavata naveraitiha, Devitira Maaqu autu tuahera kaate. Noravano nai autuqaa ani vai vaiintira koqema amite vaivo. (Ihi 118:26) Variqavano nai virini vaira, vira autu tuahera kaate, ti.

Iosuaa 1:16

Iosuaava minti tumanta vika vira nái tiva ami tiha, Are tinavu tiva timiana uvara, tenavu ekaa vi uvara avataqi virerave. Are taini tainie tinavu tititairaqe tenavu are tinantemake mini mini virerave.

Iosuaa 1:18

Ta vaiintivave kia ai uva iriraitiro, ai uva raqa kaaina vaiintira, vi vaiintira tenavu tiari aruma kevarave. Are kia qetaraitira, kempukaiqama kera variqira vuane, ti. ˻Qiata vaiinti vika minti tura.˼

Iosuaa 1:5

Are qaqi variqira vina entara kia ho vovano iqoka raqiharo ai aatara kaanarove. Te kia ai qaqira karaiti, te Mosira vataake variqi vunantemake, ai vataake variqi virerave.

Iosuaa 1:9

Te vaaka ariara kia qetaraitira, kempukaiqama kehara variqira vuane, tunarave. Are taini tainie vi aniraqe te Noravano Kotika ai Variqavano ai vataake variainarara tira, are kia vo haika aatu qetairaro ai muntukavano maara ntaarire, turo, tiro.

Iosuaa 4:14

Vi entara Noravano Kotiva vaiinti nahenti nivuqaa nora kaiqa vara nimitorara iriha, ekaa Isareri vika Iosuaarara nora vaiintive tura. Vika tota Mosirara nora vaiintive tuntemake, Iosuaava qaqi vau entara viraravata nora vaiintive ti vaura.

1 Samueri 17:37

Noravano Kotiva raionive beave vikaqaahairovata ti ruaruama timitairara tiro, viva homa Pirisia vaiinti viraqaahairovata ti ruaruama timitaanarove, tiro. Devitiva minti tuvaro Soruva tiharo, Hove. Are viraro Noravano Kotiva ai hampata vuarire, tiro.

1 Samueri 20:13

Ti qova ai qoraiqama amiteharo ai aru kareva irera, te ai tivama amirarave. Te kia ai tiva amiraiti, kia ariara ruqemakera vuane tiarera, Noravano Kotiva anoma kero ti qoraiqama timitaarire. Mpo, Noravano Kotiva haaru ti qokantiro vaintema kero, aintirovata vairera, te hove tiataarave.