Danieri 4:2 - Qaraaka uva tivatora

² Nai virini kantaaqaini vai Variqava nora kaiqa, vo kaiqa vo kaiqa ti humiqaimanta tavaunara, te vi uvara ni tiva nimiari iriate.

Danieri 4:2 ပူးပေါင်းရင်းမြစ်များ

IHI (Psalms — Buk Song) 51:14

Are ti ruaruama timite variaravara tira, te vaiinti arukauna uvava tiqaa vaira qaqini vara kaane. Are mintiraqe te ai avuqavu okarara iriha tenta noqihai ihi tivaqi vuare.

IHI (Psalms — Buk Song) 65:9

Are maa vataraqaa koqema kera raqikihara aaqu varake variararo vatavano koqe iro vaivaro karavanovata koqema kero qampiqe vaira. Are namari tuvinaini mpiqake vataararo namarivano koqemakero tuvi vaira. Are vata koqemakera vataararo viraqihairo vo kara vo karavano koqema kero qampiqe vaira.

IHI (Psalms — Buk Song) 66:16

Ne Kotira aatu qeteha vira autu tuahere variaka, ne ani ti uva iri vaiqe te viva vo kaiqa vo kaiqa vara timitairara ni tiva nimiare.

IHI (Psalms — Buk Song) 71:18

Mpo Kotio, te naampaiqama vi, erera kauki vataaka vaurara, kia ti qaqira kaane. Are tintira vairamanta naantiara kuvuarama tekavata qovarama viqe te ekaa vikavata ai kempuka okarara tiva nimiare.

Danieri 2:1

Nebukanesaava taara ihiara Babironiqaa raqiki vau entara viva taira vo tavora. Viva taira tavero, viraqaahairo airi avu aato utiharo kia ho vaitora.

Danieri 3:26

Nebukanesaava minti tivakero viva oru nora sitopu vira qentiana vaiharo naveraitiharo, Sataraakio, Mesaakio, Abetnego, nenavu nai kantaaqa virini vai Variqara kaiqa vaiintinavuma variavo. Viraqihai qaqini aitaraate, tumanta vinavuka qaqini aitarora.

Danieri 4:17

Tenavu enseli maimaraara raqiki vaurauka vi uvara tiva taatauke vataunarave. Nai virini kantaaqaini vai Variqava, viva vaiharo avuhainauka vataini raqiki variakaqaa raqiki vaivave. Viva tarave nai amiataa i vaiintira, nora vaiintie, vehi vaiintie, kempuka vira amiraro viva noraiqama viro avuhainaava varianarove, tiarave.

Danieri 4:24

Avuhainaao, vi uvara okara maantimama vaivo: Nai virini kantaaqaini vai Variqava are naantiara variqira vina okarara tairakaa ai umiqairave.

Danieri 4:25

Vika vaiinti nahentiqihai ai ruhaaqi qaqini kaivara are qaakau aantauvahi hampata variqira vinarave. Are 7 ihiara variqira viharama purumakauvano ukau naintema kera, arevata ukau namaqira vihara, kia naavuqi vaitaraitira, ukauqiqai vaitaqira vi vairaro toqa varavuvano ai vaata putaiqama ke vairara variqira vinarave. Are mintiaqira viraro 7 ihinavu aitarairaro ai avu aatovano kenko tirara viraqaahaira are Kotirara mintima tinarave: Quqaama nai virini kantaaqaini vai Variqava, viva ekaa vaiintivano raqiki variaraqaa raqiki vaivama vaivo. Viva nai nimiataa i vaiintika vi kaiqara nimi vairave, tinarave.

Danieri 4:34

˻Nebukanesaava nai uva tivaqiro viharo tiharo˼, Te vueraiqamavi variqi vuraro 7 ihinavu aitaraimanta viraqaahai te naaruva virini tave vauraro ti avu aatovano qaiqaa koqema vimanta vaunarave. Te nai virini kantaaqaini vai Variqara autuqai tuahera keha tiha, Vivaqaima ekaa enta qaqi variqiro vi vaivave. Vivaqaima ekaa enta raqikiqiro vuanarove. Vaiinti nahenti qovaramavi variqi vi vuru taiqa vivaro viva raqikiarira okarava kia taiqa viraitiro, qaqi variqiro vuanarove.

Danieri 5:18

Avuhainaao, nai virini kantaaqaini vai Variqava, viva ai qora Nebukanesaara noraiqama kaivaro vira autuvata nora autu vaivaro viva nora vaiintivano vairave.

Danieri 6:27

Viva vaiinti nahenti kahaqama nimiteharo ruaruama nimite vaivama vaivo. Tinavuara nai okara kankomake tavaate tiro, viva nora kaiqa naaruvainivata maa vataraqaavata vare vairave. Viva raioni noqihairo Danierira ruaruama amitairave, tura. King Dariusiva minti tura.

Ioni 4:48

Minti tuvaro Ihuva virara tiharo, Ne kia nora kaiqa, vo kaiqa vo kaiqa tavaraiti, kiama ne tiriara quqaa vivave tivarave, tiro.

Iosuaa 7:19

Ho Iosuaava Akaanirara tiharo, Ti vaiintio, vate are tinavu Isareri vatanaaka Variqa Nora Kotira avuqaa himpi vaihara, kia una tiraitira, nena autina okarara qoqaa tiva qovarama kaane, tiro.