Yudas 1:7 - Porjanjian Boharu Torjomahan Baso Dilakng Soari-ari

⁷ Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

Yudas 1:7 ပူးပေါင်းရင်းမြစ်များ

Matius 10:15

Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Matius 11:24

Dinga'anbo! Timpu Ari Ponghakipan Allah nononyo, hukupan ko kaitn di Kapernaum paca'an lobih borat daripado hukupan ko boko urakng jahat di Sodom nantai.”

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

Lukas 17:29

Apo timpu ari Lot huatan koluarganyo koluar doi' kota Sodom, api ongko bolerang turutn doi' langit ubo hujatn doras. Allah mombonasoan somuo urakng di kota nantai.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

2 Petrus 2:2

Banya' urakng paca'an monumpakng caro hidup sia' inyo dikuaso'i hawa napsu inyo jahat. Obai sia' molabuhan nantai, jadi urakng bukai paca'an mohayam Jalatn Kristus Inyo Bondar.

2 Petrus 2:6

Allah jam mohukupm kota Sodom huatan Gomora. Sio momusnahan boko kota nantai agatn api sampai monjadi habu. Agatn sama'an nian, Allah moonji'i poringant'an ko boko urakng inyo molawatn-Nyo di joman nononyo.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.