Yudas 1:4 - Porjanjian Boharu Torjomahan Baso Dilakng Soari-ari

⁴ Obai, ado boko urakng totontu inyo molawatn Allah. Nyatonyo, sia' udah mansu' dalapm kolompok kaitn inyo co urakng bukai sadar obai sia' kinyo bondar-bondar pocayo ko Yesus. Sia' mongatoan Allah kito kinyo paca'an mohukupm urakng obai Sio boi' hati. Sia' gunoan pomikiran inyo salah nantai oca' sia' ulih mongosihan boko kohonda' bukakng-tubuh sia' inyo jahat. Sia' jam monula' obai Yesus Kristus ia'an satu-satunyo Tuhatn inyo bokuaso dipucu' kito. Doi' komai, udah ditulis obai sia' paca'an dihukupm.

Yudas 1:4 ပူးပေါင်းရင်းမြစ်များ

Matius 13:25

Apo watu boko urakng tidu', datakng musuh potani nantai. Musuhnyo moabur bonih solalakng di antaro bonih gandupm nantai. Lalu io botula'.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Galatia 5:13

Boko somadikan, kaitn udah dipilih Allah pakai' monjadi urakng inyo bebas. Apo nantai kinyo boroti kaitn bebas pakai' hidup sosuai agatn kohonda' diri kaitn inyo jahat. Sobali'nyo, hala molayati siku'-monyiku' agatn ponuh kasih.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

1 Timotius 5:8

Apo aman ado urakng inyo co monulukng boko koluarganyo apotolagi' kinyo monulukng koluarganyo siku' boroti io kinyo pocayo agi' ko Yesus. Io hidup agatn caro inyo lobih rusa' doi' urakng inyo bolupm pocayo.

2 Timotius 3:6

Ado di antaro sia', inyo bokokolit mansu' ko dalapm boko rumah. Lalu sia' mongkongkanti'i boko botina' inyo mudah digolaga'i huatan banya' dosa ongko dikuaso'i bomacapm kohonda'.

1 Petrus 2:16

Kohonda'nyo kaitn hidup sobagai urakng merdeka, apo jangannam momakai komordekaan nantai pakai' monutupi kojahatan, apo hidup cam sobagai hulutn Allah.

1 Petrus 2:8

“Nantai am ‘Batu bulah sia' topanjur.’ Batu inyo bulah sia' tokorahap.” Sia' topanjur ko batu nantai obai sia' kinyo monaati Pomandiran Allah. Nantaiam inyo udah ditontuan Allah pakai' sia'.

1 Petrus 4:18

Nantai sosuai agatn tulisan ni'in di dalapm Buku Suci, “Boko urakng inyo hidup bondar di hadapan Tuhatn pan, sia' uyuh mondapat kosolamant'an. Jadi, lapo inyo tajahan tojadi agatn boko urakng bodosa inyo molawatn Tuhatn?”

2 Petrus 2:10

hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

2 Petrus 2:7

Apo, pado watu nantai, Allah monyolamant'an Lot doi' hukupan nantai. Lot ia'an urakng inyo hidup bondar di hadapan Allah. Lot hala mondorita'dalapm hatinyo obai io moniant caro hidup boko urakng di boko kota nantai. Sia' kinyo honda' hidup sosuai agatn porintah Allah. Sia' ongkah moikuti hawa napsu inyo jahat.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

1 Yohanes 2:22

Sopo kironyo urakng inyo tumbukan nantai? Io nam urakng inyo bopandir obai Yesus bukainyo Rajo Inyo Dijanjian Allah, ia'an Kristus. Urakng inyo bopandir nantaiam musuh Kristus. Io monula' Allah Bopai huatan Yesus Kristus, Ana'-Nyo.

Yudas 1:15

Sio paca'an mohakipi somuo urakng. Sio paca'an mohukupm somuo urakng obai porbuatannyo inyo jahat. Sio paca'an mohukupm somuo urakng bodosa obai boko pomandiran jahat inyo dipandiran ko Tuhatn.”

Yudas 1:18

Kato boko rasul nantai, “Timpu ahir joman, paca'an ado boko urakng inyo hala mohayam kaitn. Boko urakng nantai dikuaso'i kohonda' bukakng inyo jahat.”

Wahyu 15:4

Boko urakng somuonyo paca'an mohormati Duatn, Au Tuhatn! Boko urakng somuonyo paca'an momuji damo Duatn. Obai ongkah Duatam inyo suci. Somuo banso paca'an datakng monyombah Duatn, obai boko urakng udah moniant Duatn mohakipi agatn bondar”.