Yudas 1:18 - Porjanjian Boharu Torjomahan Baso Dilakng Soari-ari

¹⁸ Kato boko rasul nantai, “Timpu ahir joman, paca'an ado boko urakng inyo hala mohayam kaitn. Boko urakng nantai dikuaso'i kohonda' bukakng inyo jahat.”

Yudas 1:18 ပူးပေါင်းရင်းမြစ်များ

Kisah Boko Rasul 20:29

Aku tohu obai lopas jadi aku botula', paca'an ado boko urakng inyo datakng ko kaitn agatn ajaran inyo salah. Sia' paca'an moncubo monyosat'an urakng. Sia' samo sama'an boko payau ganas inyo honda' monyorakng boko domba kaitn.

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

2 Timotius 4:3

Obai paca'an datakng watunyo, boko urakng kinyo honda' monorima' ajaran inyo bondar. Sia' bayo monuruti kohonda' sia' siku' mo. Jadi, sia' paca'an mongumpulan boko guru inyo moajaran boko hal inyo nyamanam sia' dinga'.

2 Petrus 2:1

Apo, pado joman komai ado boko nabi palsu jam di antaro boko urakng inyo pocayo ko Allah. Samo sama'an nantai, di antaro kaitn paca'an ado boko guru palsu. Sia' paca'an monipu urakng agatn boko ajaran salah inyo mombonasoan urakng. Malah sia' paca'an monyangkal Tuhatn Yesus inyo bokuaso atas sia', padohal Sio inyo udah monobus oca' sia' dapat dibebasan doi' hukupan dosa sia'. Obai porbuatan sia' siku' nantai, jadi sia' paca'an copat bonaso.

2 Petrus 2:10

hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.

Yudas 1:16

Boko urakng nantai ongkah botuta', gala' moncari-cari kosalahan urakng. Sia' dikuaso'i kohonda' bukakng inyo jahat. Sia' buhau momuji diri. Apo sia' pan momuji-muji urakng bukai oca' bodapat kountukan pakai' diri sia' siku'.

Yudas 1:4

Obai, ado boko urakng totontu inyo molawatn Allah. Nyatonyo, sia' udah mansu' dalapm kolompok kaitn inyo co urakng bukai sadar obai sia' kinyo bondar-bondar pocayo ko Yesus. Sia' mongatoan Allah kito kinyo paca'an mohukupm urakng obai Sio boi' hati. Sia' gunoan pomikiran inyo salah nantai oca' sia' ulih mongosihan boko kohonda' bukakng-tubuh sia' inyo jahat. Sia' jam monula' obai Yesus Kristus ia'an satu-satunyo Tuhatn inyo bokuaso dipucu' kito. Doi' komai, udah ditulis obai sia' paca'an dihukupm.