Yudas 1:15 - Porjanjian Boharu Torjomahan Baso Dilakng Soari-ari

¹⁵ Sio paca'an mohakipi somuo urakng. Sio paca'an mohukupm somuo urakng obai porbuatannyo inyo jahat. Sio paca'an mohukupm somuo urakng bodosa obai boko pomandiran jahat inyo dipandiran ko Tuhatn.”

Yudas 1:15 ပူးပေါင်းရင်းမြစ်များ

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

Roma 14:10

Jadi, jangannam kolai mohakipi somadikan kolai! Jangannam kolai mohanyam somadikan kolai! Obai, nononyo kito somuo gola' mohadap tahta Allah. Sio tajahan monontuan sopo inyo bondar ongko sopo inyo salah.

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Yohanes 5:27

Sio udah moonji'i kuaso ko Io pakai' mohakipi, obai Io nam inyo disobut Ana' Monsio.

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Wahyu 13:11

Lopas nian, aku moniant siku' bonatakng bukai koluar doi' dalapm tanah. Io botandu' duo sama'an tandu' siku' ana' domba. Io bopandir sama'an siku' nago.

Yudas 1:16

Boko urakng nantai ongkah botuta', gala' moncari-cari kosalahan urakng. Sia' dikuaso'i kohonda' bukakng inyo jahat. Sia' buhau momuji diri. Apo sia' pan momuji-muji urakng bukai oca' bodapat kountukan pakai' diri sia' siku'.