Yudas 1:12 - Porjanjian Boharu Torjomahan Baso Dilakng Soari-ari

¹² Kaitn mombulah boko pogai pakai' monunju'an obai kaitn hala mongasihi inyo bukai. Apo, dalapm boko pogai nantai, sia' sama'an contal inyo morusa' damo kaitn. Obai, sia' co malu makatn kotakan kaha'. Sia' bayo momontikan diri siku'. Sia' kinyo ado gunonyo samo sama'an awatn ditiup angin inyo lalu aja'am kinyo turutn hujatn. Damo samo sama'an boko kayu inyo kinyo bobuah timpu musipmnyo, boko kayu inyo udah dicabut ko akar-akarnyo sampai bondar-bondar mati.

Yudas 1:12 ပူးပေါင်းရင်းမြစ်များ

Matius 13:6

Apo boko tontanaman nantai kinyo bourat. Obai nantaiam, watu matoari momancar, boko tontanaman nantai monjadi layu, lalu mati obai rangkai.

Matius 15:13

Timbas Yesus, “Ado boko tontanaman inyo kinyo ditanam ulih Allah Bopai-Ku inyo di sorugo. Sotiap tontanaman nantai paca'an dicabut sampai ko boko uratnyo!

Markus 4:6

Apo boko tontanaman nantai kinyo boakar. Obai nantai, watu dipanjah podi', boko tontanaman nantai monjadi layu, rangkai ongko mati.

Lukas 12:45

Apo, soumpamonyo kopala' boko hulutn nantai bopikir, ‘Habakngku udah manah kinyo datakng. Pasti ija' manah. Jadi la'apo inyo ku labuhan kinyo kotohuan.’ Lalu io mula'i momantu hulutn inyo bukainyo, boi' lolaki boi' pan inyo botina'. Io pan makatn, minum, sampai komabu'an.

Lukas 16:19

Ongko, Yesus bokisah, “Ado siku' urakng dampu. Hidupnyo boonsu'an tintikng ari. Pakai'an inyo dipakainyo mahal-mahal. Io hala bopogai rindakng-ramai.

Lukas 21:34

“Jagocam diri kaitn. Jangan sampai ado boko hal di dunia ni'in inyo moncaci' pikiran kaitn, ubo mabu', porbuatan jahat inyo dilabuhan aman udah komabu'an, boko mosalah kohidupan ni'in. Aman pikiran kaitn samaꞌan nian, nononyo kaitn co siap timpu ari nantai datakng. Obai ari nantai tajahan datakng pakai' somuo urakng, conyiant inyo tohu, samo samaꞌan joyat ntobukan mongujut bonatakng.

Lukas 8:6

Ado jam bonih inyo jatu' di tanah inyo bobatu-batu. Kali tumbuh lansukng sora' obai tanahnyo rangkai co bodapat ara'i.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Filipi 3:19

Ponjadi'nyo, boko urakng nantai tajahan bonaso. Sia' hidup monuruti kohonda' tubuh sia' siku' daripado hidup monuruti kohonda' Allah. Sia' bangga mongona'i boko porbuatan sia' inyo jahat inyo soharusnyo mombulah sia' malu. Sia' bayo bopikir mongona'i boko hal di dunia ni'in mo.

1 Timotius 5:6

Apo siku' urakng botina' balu inyo hidupnyo bayo monyonangan dirinyo siku', biar pan io ija' hidup sobondarnyo io udah mati socaro rohani.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

Yakobus 5:5

Kaitn hidup socaro bokolobihan di dunia ni'in. Kaitn hidup ongkah pakai' monyonangan diri siku'. Apo co manah kaitn paca'an dihukupm. Jadi, kaitn samo sama'an bonatakng inyo monjadi gomu' co manah bonatakng nantai disombolih.