Yudas 1:11 - Porjanjian Boharu Torjomahan Baso Dilakng Soari-ari

¹¹ Tuhatn paca'an mohukupm sia'! Obai, caro hidup sia' jahat samo sama'an Kain doi' joman komai. Sia' gala' bulah kosalahan oca' sia' dapat duit samo sama'an Bileam. Sia' pan sama'an Korah jam obai sia' momborontak molawatn Allah huatan boko pomimpitn inyo dipilih Allah. Sia' paca'an dibonasoan samo sama'an io jam.

Yudas 1:11 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Ibrani 11:4

Obai Habel pocayo, jadi io momposombahan ko Allah kurbatn inyo lobih boi' tangga'i kurbatn inyo diposombahan Kain. Kopocaya'an Habel monunju'an io ia'an urakng inyo bondar di hadapan Allah. Obai, Allah monorima' posombahannyo. Biar pan Habel udah mati, io sama'annyo ija' bopandir ko kito obai io monjadi toladatn urakng inyo pocayo.

2 Petrus 2:15

Sia' udah moninggalan caro hidup inyo bondar. Sia' tuyut caro hidup inyo salah. Sia' tuyut caro hidup Bileam, ana' Beor. Timpu joman komai, nabi Bileam nantai opat monorima' upah doi' porbuatan inyo jahat.

1 Yohanes 3:12

Jangan kito sama'an Kain doi' joman komai. Sio nam ana' Rajo Sitatn inyo mombunuh adikngnyo. Hibo Kain molabuhan nantai? Obai somuo inyo io labuhan jahat apo somuo inyo dilabuhan adikngnyo bondar.

Wahyu 2:14

Apo, Aku moolikan kaitn obai boboropo hal ni'in: Ado boboropo urakng di antaro kaitn inyo tuyut ajaran salah samo sama'an ajaran Bileam joman komai. Bileam mongajar Balak pakai' bulah urakng Israel jatu' ko dalapm dosa, ia'an oca' sia' bopua' dagikng doi' bonatakng inyo diposombahan ko songiang-duato, ongko oca' sia' bulah dosa bomporajoan.