Yohanes 9:7 - Porjanjian Boharu Torjomahan Baso Dilakng Soari-ari

⁷ Kato Yesus ko io, “Botula'cam, tapusicam mato-muho kolai di Kolapm Siloam.” (Kato Siloam rotinyo ‘diutus’.) Jadi, urakng nantai hingkasam mombasu'i mato-muhonyo. Watu io bobali', io udah ulih moniant am.

Yohanes 9:7 ပူးပေါင်းရင်းမြစ်များ

Yohanes 11:37

Apo boboropo urakng di antaronyo bopandir, “Sio bulah urakng buto moniant. Mapo Sio co sanggup bulah la'apo pan oca' Lazarus kinyo mati?”

Yohanes 9:11

Timbas io, “Urakng inyo bodamoan Yesus nantai, morocu'-rocu' tanah, lalu dipalitan-Nyo ko matoku. Kato-Nyo ko aku, ‘Botula'cam, tapusicam mato-muho kolai di Kolapm Siloam.’ Jadi, aku botula' huatan lopas jadi aku monapusi, mato-muhoku, lalu aku moniant am.”

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Lukas 13:4

Sama'an nian jam borito mongonaꞌi dolapatn bolas urakng inyo mati watu monara Siloam di kota Yerusalem robah moninggakng sia'. Jangan bopikir nian tojadi ko sia' obai sia' lobih bodosa doi' boko urakng bukai di kota Yerusalem.

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 9:39

Kato Yesus, “Aku datakng ko dunia ni'in pakai' mohakipi, oca' boko urakng buto ulih moniant huatan ubo nian jam oca' boko urakng inyo ulih moniant, sia' monjadi buto.”

Lukas 2:32

Ponyolamant ni'in ubo torakng inyo monjolasan kohonda' Tuhatn ko boko urakng inyo bukainyo banso Yahudi. Sio pan bulah umant Duatn Israel dihormati”.

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.