Yohanes 9:39 - Porjanjian Boharu Torjomahan Baso Dilakng Soari-ari

³⁹ Kato Yesus, “Aku datakng ko dunia ni'in pakai' mohakipi, oca' boko urakng buto ulih moniant huatan ubo nian jam oca' boko urakng inyo ulih moniant, sia' monjadi buto.”

Yohanes 9:39 ပူးပေါင်းရင်းမြစ်များ

Yohanes 3:19

Hukupan nantai tojadi obai ni'in: Torakng udah datakng ko dunia. Apo monsio lobih sonang agatn golap daripado torakng. Sia' lobih sonang agatn golap obai boko porbuatan sia' jahat.

Yohanes 12:46

Aku udah datakng ko dunia ni'in sobagai torakng oca' somuo urakng inyo pocayo ko aku jangan diapm di dalapm potakng.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Yohanes 8:12

Yesus bopandir agi' ko urakng banya'. Kato-Nyo, “Aku ninam torakng dunia. Sotiap urakng inyo tuyut Aku, io co paca'an bojalatn di kompotakan, apo io paca'an ado torakng pakai' kohidupannyo.”

1 Yohanes 2:11

Apo urakng inyo bonci'an somadikannyo, boroti io ija' hidup di dalapm kogolapan. Io samo sama'an urakng inyo bojalatn di dalapm kogolapan. Io co tohu ko mono io bojalatn obai kogolapan nantai bulah io buto.

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

2 Korintus 2:16

Bagi urakng inyo paca'an bonaso, koi samo sama'an bou buru' inyo mombaba' komatian. Apo, bagi urakng inyo paca'an disolamant'an, koi samo sama'an bou harupm inyo mombaba' kohidupan inyo sobondarannyo. Apo sopo bai inyo sanggup molabuhan tugas inyo sama'an ni'in?

Yohanes 9:25

Katonyo, “Aku cuku tohu aman Sio nam urakng bodosa damo cado. Apo ado sobuti' hal inyo ku kotohu'i; tontainyo aku buto, ni'in aku udah moniant!”

Yohanes 8:15

Kaitn mohakipi agatn caro duniawi. Apo Aku co mohakipi siku' urakng pan.

Yohanes 3:17

Obai, Allah moutus Ana'-Nyo ko dunia ni'in pakai' monyolamant'an boko urakng, bukainyo pakai' mohukupm boko urakng.

Lukas 13:30

Dinga'anbo: ado urakng inyo dianggap co pontikng watu ni'in, apo nononyo Allah paca'an bulah sia' pontikng. Ado jam urakng inyo dianggap pontikng watu ni'in, apo nononyo Allah paca'an bulah sia' kinyo pontikng.”

Lukas 7:21

Timpu nantai, Yesus banyaꞌ monyamani boko urakng inyo boponyakit, huatan monundukng boko roh jahat doi' dalapm boko urakng inyo korasu'an, roh jahat nantai koluar tangga'i boko urakng inyo dirasu'inyo, huatan urakng buto moncolakng agi'.

Lukas 2:34

Ongko Simeon momborokati Maria agatn Yusuf. Huatan io bopandir ko Maria, “Sobondarnyo, Bobia' ni'in udah dipilih Allah, oca' isi hati boko urakng banyaꞌ inyo tobumbutn tajahan kotohuan. Sio monjadi tando pakai' monunju'an kohonda' Allah, sampai banyaꞌ boko urakng Israel monjadi lobih dampikng ko Allah. Apo banyaꞌ jam inyo tajahan molawatn-Nyo. Banyaꞌ urakng Israel paca'an monjouhan diri doi' Allah obai monula' Bobia' ni'in. Ajab sonsaro sampai komatian inyo paca'an dialapi-Nyo tajahan bulah kolai pan bulikng, Maria. Samo ubo podakng inyo monuhu' hati kolai.”

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Matius 6:23

Apo aman mato urakng jahat, boroti somuo bukakng-tubuhnyo potakng. Jadi, aman pompolitoan umputn kaitn nantai jahat, kojahatan kolai kotakng jahat.”

2 Tesalonika 2:10

Io momakai somuo macapm caro inyo jahat pakai' monyosat'an boko urakng huatan paca'an bohasil mongontumbuki sia' inyo paca'an bonaso. Sia' kinyo paca'an disolamant'an obai sia' co honda' pocayo Kabar Boi' inyo bondar mongona'i Yesus.

Matius 15:14

Jadi, jangan bodulian sia'. Sia' samo sama'an urakng buto inyo moirikan urakng buto. Aman siku' urakng buto moncubo moirikan urakng buto bukainyo, pasti kododuonyo paca'an jatu' ko dalapm parit.”

Yohanes 12:31

Watu ni'in udah gonapam watunyo dunia ni'in dihakipi. Watu ni'in jam, io inyo monguaso'i dunia ni'in, ia'an Rajo Sitatn, paca'an dikalahan.