Yohanes 9:34 - Porjanjian Boharu Torjomahan Baso Dilakng Soari-ari

³⁴ Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.

Yohanes 9:34 ပူးပေါင်းရင်းမြစ်များ

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Yohanes 9:2

Boko murid-Nyo botakutn ko Sio, “Guru, sopo inyo bulah dosa sampai urakng ni'in dilahiran buto? Kata'an nantai obai dosa urakng ni'in siku'ai, kata'an obai dosa urakng tuhonyo ai?”

Lukas 18:17

Aku bopandir ko kaitn: Aman urakng kinyo monorima' Koraja'an Allah samaꞌan siku' bobia' kocit, pasti io co tajahan monjadi anggota koluarga Koraja'an Allah.”

Wahyu 13:17

Kinyo ado urakng inyo suba' momboli damo monjual la'apo pan aman io co ado tando nantai, ia'an damo bonatakng potamo nantai damo angka' inyo molambakan damo bonatakng nantai.

3 Yohanes 1:9

Aku udah monulis surat ko jomaat di si'itan. Apo, Diotrefes inyo honda' monjadi pomimpitn, kinyo honda' monuruti pandir koi.

1 Petrus 5:5

Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

Galatia 2:15

Koi: Paulus, Petrus ongko urakng Yahudi bukai inyo pocayo nantai koturutan urakng Yahudi. Urakng Yahudi moanggap somuo “urakng bukai Yahudi nantai ‘urakng bodosa’.”

Yohanes 9:40

Boboropo urakng Farisi inyo ado di siatn nantai, sia' mondinga' pomandiran Yesus nantai. Sia' bopandir agatn Sio, “Koi co koi buto.”

Yohanes 9:35

Yesus mondinga' obai sia' udah mousir io doi' rumah sombayakng. Pas Yesus botomu agatn io, Yesus bopandir, “Pocayo bai kolai agatn Ana' Monsio?”

Yohanes 8:41

Jadi, kaitn kinyo bondar ana' Abrahapm, obai kaitn tuyut bopai inyo bukai.” Timbas sia', “Koi bukainyo boko ana' kampakng. Siku' mo Bopai koi, ia'an Allah!”

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Lukas 14:11

Labuhancam samaꞌan nian, obai Allah tajahan mongombabahan somuo urakng inyo moncubo moninggian diri. Apo, Allah tajahan moninggian somuo urakng inyo mongombabahan diri.”

Lukas 11:45

Lopas nantai siku' guru agama Yahudi bopandir ko Yesus, “Guru, obai pomandiran nantai, koi boko guru agama dihanyam jam.”

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

3 Yohanes 1:10

Obai nantaiam, watu ku datakng nononyo, aku paca'an mombungkar somuo porbuatan inyo io pulah ia'an nantai io mongatoan inyo jahat ongko bulah kotumbukan mongona'i koi. Apo, porbuatan jahat nantai bolupm cukup pakai' io. Timpu boko somadikan datakng, io kinyo honda' monorima' sia'. Malahan, io morarakng boko urakng inyo honda' monulukng sia'. Aman ado boko urakng inyo honda' monulukng sia', io monundukng oca' boko urakng nantai koluar doi' jomaat.