Yohanes 9:30 - Porjanjian Boharu Torjomahan Baso Dilakng Soari-ari

³⁰ Kato urakng inyo tontainyo buto nantai, “Aneh bondar ni'in! Kaitn co tohu doi' mono tompat asal-Nyo, sodakan io udah mombulah aku ulih moniant.

Yohanes 9:30 ပူးပေါင်းရင်းမြစ်များ

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Markus 6:6

Sio mooso hiratn obai boko urakng di laman-Nyo kinyo pocayo ko Sio. Lalu, Sio bojalatn bokolilikng doi' laman ko laman, mongajar boko urakng di santai.

Lukas 7:22

Ongko Yesus monimbas ko boko murid Yohanes nantai, “Kaitn bobali' pulakng cam! Padahan ko Yohanes, somuo la'apo pan inyo Ku labuhan udah kaitn tiat, huatan somuo pandir-Ku udah kaitn dinga'. Aku bulah urakng buto bobali' moncolakng, urakng lumpuh bobali' ulih bojalatn, urakng boponyakit kulit inyo bogola'i nyamanam samaꞌan biaso, urakng tingal ulih mondingaꞌ, urakng mati bobali' hidup agi'. Aku pan momandiran borito boi' doi' Allah ko boko urakng jaro.

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 3:10

Timbas Yesus, “Kolai ninam guru urakng Israel. Hibo kolai co mongotohu'inyo?

Yohanes 9:29

Koi tohu obai Allah udah bopandir ko Musa. Apo koi co tohu doi' mono asal Urakng nantai.”

Yohanes 9:31

Kito tohu obai Allah co mondinga'an boko urakng bodosa. Allah mondinga'an boko urakng inyo taat agatn Sio.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.