Yohanes 9:29 - Porjanjian Boharu Torjomahan Baso Dilakng Soari-ari

²⁹ Koi tohu obai Allah udah bopandir ko Musa. Apo koi co tohu doi' mono asal Urakng nantai.”

Yohanes 9:29 ပူးပေါင်းရင်းမြစ်များ

Matius 12:24

Boboropo pomimpitn agama Yahudi doi' kolompok Farisi mondinga' nantai. Apo sia' bopandir, “Io monundukng boko roh jahat momakai kuaso Rajo Sitatn!”

Matius 26:61

Kato sia' duo, “Urakng ni'in kalo bopandir obai Io ulih morobahan Rumah Allah lalu mombangunnyo agi' dalapm tigo ari.”

Lukas 23:2

Di santai sia' monuduh Sio. Kato sia', “Urakng ni'in udah monyosat'an banso koi. Sio morarakng boko urakng pakai' mombayar pajak ko kaisar di Roma. Sio jam bopandir obai Sio nantai rajo, ia'an Rajo Inyo Dijanjian Allah, ia'an siku' rajo inyo koi sobut ‘Kristus’.”

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 7:27

Apo watu Kristus datakng, co nyiant ado siku' urakng pan inyo paca'an tohu doi' mono asal-Nyo. Apo somuo kito tohu doi' mono asal Urakng ni'in.”

Yohanes 7:28

Jadi, watu Yesus mongajar di tongahlamanan Rumah Allah, Sio bopandir agatn saro borakng, “Kaitn konal Aku huatan doi' mono asal-Ku! Apo Aku datakng kinyo kohonda'-Ku siku'. Aku diutus Sio inyo bondar. Kaitn co tohuan Sio.

Yohanes 8:14

Yesus monimbasi sia'. Kato-Nyo, “Biar pan Aku bosasi mongona'i diri-Ku sikuꞌ, kosasian-Ku totap bondar. Obai, Aku tohu doi' mono Aku datakng huatan ko mono Aku botula'. Apo kaitn co tohu doi' mono Aku datakng huatan ko mono Aku botula'.

Yohanes 9:16

Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.

Yohanes 9:24

Jadi, udah koduo kalinyo boko urakng Farisi nantai monggoyapi urakng inyo tontainyo buto nantai. Kato sia' ko io, “Pandirancam inyo sobondarnya di hadapan Allah. Koi tohu obai Yesus nantai am urakng bodosa.”

Yohanes 9:30

Kato urakng inyo tontainyo buto nantai, “Aneh bondar ni'in! Kaitn co tohu doi' mono tompat asal-Nyo, sodakan io udah mombulah aku ulih moniant.

Kisah Boko Rasul 22:22

Urakng banya' nantai mondinga'an Paulus sampai io bopandir obai Tuhatn moutus io ko boko urakng inyo bukai Yahudi. Apo lopas nantai, sia' mondorah agatn kotakan borakng, “Bunuhcam urakng ni'in! Obai kinyo cucu' io hidup!”

Kisah Boko Rasul 26:22

Apo Allah molindukiku. Sampai ni'inan aku ija' hidup inya'anpan aku ija' ulih momboritoan mongona'i Yesus ko boko urakng inyo dianggap kinyo pontikng honda' pan boko urakng pontikng. La'apo inyo aku boritoan kinyo bukai doi' la'apo inyo ditulis boko nabi huatan Musa. Pado joman komai sia' momboritoan obai

Kisah Boko Rasul 7:35

Jadi Tuhatn Allah moutus Musa, inyo komai ditula' ulih urakng Israel. Watu nantai sia' bokato, ‘Kolai co bohak moatur ongko moadili koi?’ Apo malah io nanam inyo udah diutus Allah molalu'i molekat inyo monampa'an bukakng ko io di tongah rado momant nantai. Allah moutus io pakai' monjadi pomimpitn huatan ponyolamant.

Ibrani 1:1

Ija' joman komai mo, Allah bopandir ko angki-bayatn kito molalu'i boko nabi. Allah bopandir nanam-konanam ko sia' agatn bomacapm caro.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.