Yohanes 9:22 - Porjanjian Boharu Torjomahan Baso Dilakng Soari-ari

²² Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Yohanes 9:22 ပူးပေါင်းရင်းမြစ်များ

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 19:38

Lopas jadi nantai, Yusuf datakng ko gubernur Pilatus minto ijitn pakai' monurutan bangkai Yesus oca' dipasar. (Yusuf nantai boasal doi' kota Arimatea. Io nantai pan murid Yesus, apo kinyo socaro torakng-torakan, obai io gola' agatn boko pomimpitn Yahudi.) Pilatus moijitan io. Jadi, io botula' momocaki bangkai Yesus.

Yohanes 20:19

Pas ari udah malapam watu ari Minggu nantai, boko murid Yesus bokumpul di sobuah rumah. Sia' monyongkal boko lawakngnyo obai sia' gola' agatn boko pomimpitn urakng Yahudi. Sopongirap, Yesus datakng, bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 7:13

Apo, conyiant ado urakng inyo borani bopandir torakng-torakan mongona'i Sio obai sia' gola' agatn boko pomimpitn agama Yahudi.

Yohanes 9:18

Kolompok pomimpitn agama Yahudi nantai kinyo pocayo obai tontainyo io buto lalu ulih moniant. Jadi, sia' monggoyapi urakng tuhonyo.

Yohanes 9:21

Apo, koi co tohu ubo apo caronyo io ulih moniant ni'in. Koi pan co tohu sopo inyo bulah io ulih moniant. Takutan ja'am ko io, io nan bosaram. Io nan suba'mo monimbasi pakai' monjolasan lapo inyo tojadi agatn dirinyo siku'.”

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.

Yohanes 9:35

Yesus mondinga' obai sia' udah mousir io doi' rumah sombayakng. Pas Yesus botomu agatn io, Yesus bopandir, “Pocayo bai kolai agatn Ana' Monsio?”

Kisah Boko Rasul 4:18

Jadi sia' monyiuh oca' Petrus agatn Yohanes dibaba' mansu' agi'. Sia' morarakng koduo rasul nantai pakai' mongajar mongona'i Yesus damo bopandir sobagai utusan Urakng nantai ko sopo pan.

Kisah Boko Rasul 5:13

Boko urakng bukai inyo bolupm pocayo agatn Yesus kinyo borani bogabukng agatn sia', apo banya' urakng mohormati sia'.

Kisah Boko Rasul 5:40

Sia' monyiuh oca' boko rasul nantai dibaba' bobali' mansu' ongko dipodularan. Lopas nantai, sia' morarakng boko rasul nantai pakai' moajaran ajaran inyo Yesus sampaian ko sia'. Ongko boko rasul nantai dilopasan.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”