Yohanes 9:21 - Porjanjian Boharu Torjomahan Baso Dilakng Soari-ari

²¹ Apo, koi co tohu ubo apo caronyo io ulih moniant ni'in. Koi pan co tohu sopo inyo bulah io ulih moniant. Takutan ja'am ko io, io nan bosaram. Io nan suba'mo monimbasi pakai' monjolasan lapo inyo tojadi agatn dirinyo siku'.”

Yohanes 9:21 ပူးပေါင်းရင်းမြစ်များ

Yohanes 9:20

Kato urakng tuhonyo, “Au, memang ni'inam ana' koi. Io buto doi'nyo lahir.

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Yohanes 9:23

Obai nianam urakng tuhonyo bopandir, ‘Io udah bosaram. Takutan ja'am ko io.’

Lukas 8:43

Di antaronyo ado botina' inyo sakit pondarahan. Udah duo bolas tohutn manahnyo io bomosalah agatn lampat-tapih. Io udah mohabisan somuo umputnnyo pakai' boubat apo kinyo tonyamani ulih sopo pan.

Yohanes 5:5

Di santai ado siku' urakng inyo sakit udah tigo puluh dolapatn tohutn manahnyo, culihnyo bojalatn.

Yohanes 9:10

Lalu, sia' botakutn ko io, “Ubo apo caronyo kolai ulih moniant?”

Kisah Boko Rasul 9:33

Di su'utn, io botomu siku' urakng inyo lumpuh. Damonyo Eneas. Eneas nantai udah lumpuh somanah dolapatn tohutn.