Yohanes 9:16 - Porjanjian Boharu Torjomahan Baso Dilakng Soari-ari

¹⁶ Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.

Yohanes 9:16 ပူးပေါင်းရင်းမြစ်များ

Matius 12:10

Di santai ado urakng inyo longannyo mati sopia'. Boko urakng Farisi nantai bogoyap kosalahan Yesus, oca' ulih monuduh-Nyo. Jadi, sia' botakutn ko Yesus, “Ulih cado monyamani urakng watu Ari Sabat?”

Matius 12:2

Boboropo pomimpitn agama Yahudi doi' kolompok Farisi moniant nantai. Ongko sia' bopandir ko Yesus, “Porotiancam! Porbuatan boko murid Duatn nantai salah! Obai, ado porintah Allah dalapm Hukupm Torat inyo morarakng urakng bokorojo timpu Ari Sabat.”

Lukas 13:14

Apo kopala' rumah sombayakng nantai kotakng godi, obai io bopikir porbuatan Yesus nantai pokoroja'an inyo culih dilabuhan watu Ari Sabat obai Ari Sabat husus pakai' torahat. Jadi kopala' rumah sombayakng bopandir ko kumpulan urakng nantai, “Monurut Poraturan agama kito urakng Yahudi, ado onam ari pakai' bokorojo. Jadi, aman kaitn honda' dinyamani, datakng ko si'itn di ari-ari nantai. Jangan watu Ari Sabat!”

Yohanes 10:19

Obai Yesus bopandir ubo nantai boko urakng Yahudi ado potikakan.

Yohanes 14:11

Kaitn gola' pocayo pomandiran-Ku ni'in: Aku bosatu agatn Bopai, huatan Bopai bosatu agatn Aku. Aman kaitn co pocayo pomandiran-Ku, sotidaknyo kaitn gola' pocayo obai somuo mujisat inyo Aku labuhan.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 5:10

Obai nianam, boko pomimpitn agama Yahudi bopandir ko urakng inyo hoyu' nyamanam nantai. Kato sia', “Sari ni'in ari Sabat. Jadi kolai culih mombaba' tikar kolai.”

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 6:52

Mondinga' nantai, boko urakng Yahudi nantai botikakng agatn siku' monyiku'. Kato sia', “Ubo apo Sio ulih monyorahan isi-Nyo ko kito pakai' dipua'i?”

Yohanes 7:12

Boko urakng mula'i boko bongkucapan mongona'i Sio. Ado inyo bopandir, “Sio urakng boi' hati.” Apo inyo bukai bopandir, “Sio kinyo boi'! Sio monyosat'an boko urakng.”

Yohanes 7:23

Aman kaitn totap monyunant watu Ari Sabat, kaitn molabuhan nantai oca' kaitn co molanggar poraturan Musa nantai. Jadi, soharusnyo kaitn jangan godi agatn Aku pas Aku monyamani bukakng-tubuh siku' urakng watu Ari Sabat!

Yohanes 7:43

Jadi, urakng banya' botikakng agatn siku'-monyiku' mongona'i Sio.

Yohanes 9:24

Jadi, udah koduo kalinyo boko urakng Farisi nantai monggoyapi urakng inyo tontainyo buto nantai. Kato sia' ko io, “Pandirancam inyo sobondarnya di hadapan Allah. Koi tohu obai Yesus nantai am urakng bodosa.”

Kisah Boko Rasul 14:4

Jadi, pondudu' kota nantai topisah monjadi duo kolompok. Ado inyo bopihak ko boko urakng Yahudi inyo kinyo pocayo, huatan ado inyo bopihak ko Rasul Paulus ongko Barnabas.