Yohanes 8:6 - Porjanjian Boharu Torjomahan Baso Dilakng Soari-ari

⁶ (Sia' botakutn ubo nantai pakai' moncubo'i Sio oca' sia' ulih monyalahan Sio socaro hukupm.) Apo Yesus mombungku'an bukakng-tubuh Sio, lalu monulis agatn jari-Nyo di tanah.

Yohanes 8:6 ပူးပေါင်းရင်းမြစ်များ

Matius 10:16

“Dinga'anbo ni'in! Aku moutus kaitn samo sama'an boko ana' domba ko boko bonatakng ganas. Obai nantai, kaitn gola' corodi' sama'an ular. Apo kaitn pan gola' tulus hati sama'an burukng daro.

Matius 15:23

Apo Yesus kinyo monimbasi botina' nantai samo sokali. Lalu, boko murid Yesus datakng. Sia' minto ko Yesus, “Siuh bo botina' nantai botula'. Io torus ja' mombodapan kito kapikng mondongkakng-mondorah.”

Matius 16:1

Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.

Matius 19:3

Lalu, ado boboropo pomimpitn agama Yahudi doi' kolompok Farisi, sia' datakng ko Yesus honda' bogoyap caro pakai' monyalahan Sio. Kato sia', “Ulih cado siku' urakng lolaki monyaya' bininyo agatn alasan la'apo pan?”

Matius 22:18

Apo Yesus tohu mo tujuan sia' inyo jahat nantai. Ia'an Sio bopandir, “Kaitn pompadah boi' mo. Mapo kaitn monjebak-Ku?

Matius 22:35

Siku' guru agama Yahudi doi' kolompok sia' nantai moncubo Yesus agatn potakutan bukainyo agi'. Katonyo,

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Markus 10:2

Ado boko pomimpitn agama Yahudi doi' kolompok Farisi, sia' datakng ko Yesus pakai' bogoyap alasan oca' monyalahan Sio. Sia' botakutn, “Monurut Hukupm Torat, ulih cado laki monyaya' bininyo?”

Markus 12:15

Apo Yesus mongotohu'i sia' inyo pompadah boi'. Ongko Sio bopandir ko sia', “Mapo kaitn moncubo monggogadati Aku? Cubo tiat'an ko Aku sopingka'i duit pira'.”

Markus 3:2

Boko urakng Farisi kotakan borotian Yesus, honda' moniant aman Sio tajahan monyamani urakng nantai. Monurut sia', nantai tomansu' pokoroja'an inyo culih dilabuhan watu ari Sabat. Jadi, nononyo sia' ulih monyalahan Sio.

Markus 8:11

Lopasnyo boko pomimpitn agama Yahudi doi' kolompok Farisi datakng ko Yesus. Sia' bosoal jawab agatn Sio, ongko honda' mouji Sio. Huatan, sia' minto oca' Yesus mombulah mujisat pakai' mombutian ko sia' obai kuaso-Nyo nantai doi' Allah.

Lukas 10:25

Lopas nian siku' urakng guru Agama Yahudi maju pakai' moncubo Yesus. Io botakutn, “Guru, aku gola' molabuhan la'apo oca' ulih monorima' hidup kokal?”

Lukas 11:16

Apo ado jam boko urakng bukai inyo honda' moncubo'i Yesus. Sia' minto Yesus bulah mujisatpakai' mombutian kuaso-Nyo doi' Allah, bukainyo doi' Rajo Sitatn.

Yohanes 8:2

Kosunsuknghobu'annyo, Sio botula' agi' ko tongahlamanan Rumah Allah. Boko urakng datakng ko Sio. Lalu, Yesus dudu' huatan mongajar sia'.

1 Korintus 10:9

Jangan kaitn moncubo'i Kristus, sama'an boboropo doi' sia'. Sia' moncubo'i Kristus sampai Tuhatn mongiripm banya' ular biso pakai' momatu' sia'. Jadi, banya' doi' sia' mati.