Yohanes 8:55 - Porjanjian Boharu Torjomahan Baso Dilakng Soari-ari

⁵⁵ Padohal, kaitn co mongonal-Nyo. Apo Aku mongonal Sio. Soandainyo Aku bopandir: Aku co mongonal Sio, jadi nantai boroti Aku urakng tumbukan, samo sama'an kaitn! Apo, Aku mongonal Sio, huatan Aku monuruti pomandiran Sio.

Yohanes 8:55 ပူးပေါင်းရင်းမြစ်များ

Yohanes 8:19

Jadi, sia' bopandir ko Sio, “Di mono kironyo Bopai Duatn?” Timbas Yesus, “Kaitn co mongonal Aku damo Bopai-Ku. Soandainyo, kaitn bobondar mongonal Aku, pasti kaitn mongonal Bopai-Ku jam.”

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Wahyu 3:9

Porhatiancam! Boko urakng nantai doi' umant Rajo Sitatn, sia' monyobut dirinyo urakng Yahudi. Apo sobondarnyo sia' bukainyo anggota umant Allah. Sia' tumbukan! Aku paca'an bulah sia' datakng tundu' monyungkapan di pohadapan kaki kaitn. Lalu, sia' paca'an tohu obai Aku mongasihi kaitn.

Yohanes 8:51

Porotian boboi' cam inyo Ku pandiran ni'in: Somuo urakng inyo monuruti pomandiran-Ku, sia' co paca'an mati somanah-manahnyo.”

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

1 Yohanes 5:10

Urakng inyo pocayo ko Ana' Allah, boroti io pocayo agatn kosasian Allah nantai dalapm hatinyo. Apo urakng inyo co pocayo agatn kosasian nantai, boroti io moanggap Allah bulah kotumbukan. Obai, io kinyo pocayo agatn kosasian Allah mongona'i Ana'-Nyo.

Yohanes 15:21

Ado inyo paca'an mondorako'i kaitn obai kaitn ni'inan murid-Ku, obai sia' co mongonal Bopai inyo moutus Aku.

1 Yohanes 2:22

Sopo kironyo urakng inyo tumbukan nantai? Io nam urakng inyo bopandir obai Yesus bukainyo Rajo Inyo Dijanjian Allah, ia'an Kristus. Urakng inyo bopandir nantaiam musuh Kristus. Io monula' Allah Bopai huatan Yesus Kristus, Ana'-Nyo.

1 Yohanes 2:4

Urakng inyo bopandir, “Aku mongonal Allah,” apo io co monuruti boko porintah-Nyo, urakng nantai bulah kotumbukan. Kobondaran conyiant di dalapm io.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Kisah Boko Rasul 17:23

Aku udah bojojalatn di kota ni'in. Aku moniant banya' tompat monyombah boko duato kaitn. Ado sobuti' mesbah tompat molota'an posombahan jam agatn tulisan ni'in: ‘Pakai' monyombah duato inyo bolupm dikonal.’ Kaitn bolupm mongonal Sio, apo totap monyombah Sio. Aku moajaran mongona'i Sio nantai.

Yohanes 17:25

Oi Bopai inyo hala molabuhan inyo bondar. Memang boko urakng dunia co mongonal Duatn. Apo Aku mongonal Duatn ongko sia' ni'in tohu obai Duatn inyo udah moutus Aku.

Yohanes 16:3

Sia' paca'an molabuhan boko nantai obai sia' kinyo mongonal Bopai boi' pan agatn Aku.

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Yohanes 8:29

Sio inyo moutus Aku ado bosamo-Ku. Sio co moninggalan Aku sonsiku'an, obai Aku hala molabuhan la'apo inyo monyonangan hati-Nyo.”

Yohanes 6:46

Nantai bukainyo boroti obai ado urakng inyo udah moniant Bopai. Ongkah Io am inyo datakng doi' Allah, udah moniant Sio.

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Yohanes 8:52

Boko pomimpitn agama Yahudi nantai bopandir ko Yesus, “Watu ni'in koi tohu obai Duatn bondar-bondar korasu'an sitatn! Obai, Abrahapm udah mati, ubo nian jam boko nabi. Apo Duatn mongatoan: somuo urakng inyo monuruti pomandiran-Ku, sia' co paca'an mati somanah-manahnyo.

1 Yohanes 1:6

Aman kito bopandir obai kito bosatu agatn Sio, padohal kito hidup dalapm kogolapan, boroti kito tumbukan. Kito co hidup sosuai agatn kobondaran.