Yohanes 8:46 - Porjanjian Boharu Torjomahan Baso Dilakng Soari-ari

⁴⁶ Sopo di antaro kaitn inyo ulih mombutian obai Aku bulah dosa? Aman Aku mongatoan kobondaran, hibo kaitn co pocayo pomandiran-Ku?

Yohanes 8:46 ပူးပေါင်းရင်းမြစ်များ

Matius 21:25

Ni'in Aku botakutn: Sopo inyo moonji'i kuaso ko Yohanes pakai' mombaptis? Allah kata'an monsio ai?” Jadi, sia' bohoupm goyap jawabannyo di antaro sia'. Kato sia', “Aman kito bopandir, ‘Allah inyo moonji'i kuaso nantai ko Yohanes’, Yesus paca'an monogur kito obai kito co pocayo agatn Yohanes.

Markus 11:31

Ongko sia' bohoupm bogoyap jawaban di antaro sia'. Kato sia', “Aman kito bopandir, ‘Allah inyo moonji'i kuaso nantai ko Yohanes.’ Yesus tajahan bopandir aman sama'an nian mapo kaitn kinyo pocayo agatn Yohanes?

Yohanes 14:30

Aku kinyo paca'an banya' bopandir agi' ko kaitn, obai io inyo monguaso'i dunia ni'in, ia'an Rajo Sitatn, tongahan datakng. Io kinyo bokuaso tohadap Aku,

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Yohanes 16:8

Watu Sio datakng, Sio paca'an bulah boko urakng di dunia sadar mongona'i boko hal ni'in: mongona'i dosa, huatan mongona'i la'apo inyo bondar, huatan mongona'i hukupan.

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 8:47

Urakng inyo boasal doi' Allah honda' mondinga' Pomandiran Allah. Apo kaitn bukainyo boasal doi' Allah, nianam sobabnyo kaitn co honda' mondinga'an pandir-Ku.”

Yohanes 8:7

Apo sia' torus monyosahan oca' Sio monimbasi. Jadi, Sio bodiritn lalu bopandir, “Sopo ja' di antaro kaitn inyo kinyo kalo bodosa, urakng nanam inyo doholu monikapm botina' nian agatn batu.”

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.

1 Petrus 2:22

Apo, Sio siku' co kalo bulah dosa. Sio co kalo mongatoan la'apo pan pakai' mongontumbuki monsio.