Yohanes 8:43 - Porjanjian Boharu Torjomahan Baso Dilakng Soari-ari

⁴³ Mapo kaitn co mongoroti pomandiran-Ku? Ninam sobabnyo: Obai kaitn co honda' mondinga' bobondar ajaran-Ku.

Yohanes 8:43 ပူးပေါင်းရင်းမြစ်များ

Yohanes 5:43

Aku datakng dalapm damo Bopai-Ku, apo kaitn monula' Ku. Padohal, soandainyo ado urakng bukai inyo datakng bayo mowakili dirinyo siku', kaitn tajahan monorima' io.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Kisah Boko Rasul 7:51

Ongko Stefanus bopandir, “Kaitn ni'in koras kopala'! Hati kaitn co honda' pocayo ko Allah! Kolindakan kaitn co honda' mondinga' pomandiran Sio! Kaitn hala molawatn Roh Allah sama'an ubo angki-bayatn kaitn!

Yohanes 6:60

Lopas jadi mondinga' pomandiran Yesus nantai, banya' murid-Nyo bopandir agatn siku'-monyiku', “Ajaran nantai tolalu borat. Sopo ulih monurutinyo!”

Yohanes 8:27

(Sia' co mongoroti obai Sio bopandir ko sia' mongona'i Allah Bopai.)

Roma 3:11

Conyiant urakng inyo mongoroti lapo inyo bondar. Conyiant ado urakng inyo honda' mongonal Allah.

Matius 13:15

Obai hati banso ni'in udah co honda' mongoroti. Kolindakan sia' udah tingal. Mato sia' udah buto. Nantai tojadi oca' sia' co moniant agatn mato sia', sia' co mondinga' agatn kolindakan sia', sia' co mongoroti agatn hati sia'. Jadi sia' co paca'an moninggalan dosa sia' huatan Aku co paca'an monyamani sia'.’ ”

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Yohanes 8:33

Timbas sia', “Koi ni'in koturutan Abrahapm. Koi co kalo monjadi pacal sopo pan! Ubo apo Duatn ulih bopandir obai koi paca'an dibebasan?”

Yohanes 8:39

Kato sia' ko Sio, “Bopai koi ni'in Abrahapm!” Kato Yesus ko sia', “Soandainyo kaitn bobondar ana' Abrahapm, pasti kaitn paca'an bulah koboi'an samo sama'an Abrahapm.