Yohanes 8:40 - Porjanjian Boharu Torjomahan Baso Dilakng Soari-ari

⁴⁰ Aku monyampaian kobondaran ko kaitn, ia'an kobondaran inyo Ku dinga' doi' Allah. Apo kaitn honda' mombunuh Aku. Abrahapm co kalo molabuhan sama'an nian!

Yohanes 8:40 ပူးပေါင်းရင်းမြစ်များ

Yohanes 8:26

Ija' ado banya' hal mongona'i kaitn inyo honda' Ku padahan huatan inyo honda' Ku hakipi. Apo, Aku ongkah monyampaian ko kaitn di dunia ni'in, boko hal inyo Ku dinga' doi' Sio inyo moutus Aku, Sio nianam inyo bondar.”

Galatia 4:29

Watu joman komai, ana' inyo dilahiran sosuai agatn kuaso Roh Allah didorako'i ulih ana' inyo dilahiran sosuai agatn hajat monsio. Hal nantai jam tojadi watu ni'in.

Galatia 4:16

Aku totap momandiran la'apo inyo bondar ko kaitn. Kata'an obai nantaiam kaitn moanggap aku sobagai musuh?

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Roma 4:12

Apo Abrahapm jam monjadi bopai loluhur urakng Yahudi inyo bosunant, inyo moniru caro hidup Abrahapm. Ia'an, sia' inyo kinyo bosunant, apo sia' pocayo samo sama'an Abrahapm pocayo sobolupm io disunant.

Yohanes 8:56

Bopai kaitn Abrahapm kotakng sonang obai io paca'an moniant ari kodatakan-Ku. Sio udah moniantnyo, lalu io sonang!”

Yohanes 7:1

Lopas jadi nantai, Yesus bojalatn mongoliliki doerah Galilea. Sio co honda' ko doerah Yudea obai boko pomimpitn agama Yahudi di santai honda' mombunuh Sio.