Yohanes 8:34 - Porjanjian Boharu Torjomahan Baso Dilakng Soari-ari

³⁴ Kato Yesus ko sia', “Pondinga'an bobondarcam pandir-Ku ni'in! Somuo urakng inyo bulah dosa, sia' samo agatn pacal dosa.

Yohanes 8:34 ပူးပေါင်းရင်းမြစ်များ

Matius 5:18

Dinga'anbo ni'in: Somanah ija' ado langit huatan bumi, co nyiant la'apo pan inyo paca'an dihilakan doi' Hukupm Torat, biar pan sobuti' hurup damo sobuti' titik, sampai somuonyo tojadi.

Yohanes 3:3

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih moniant Koraja'an Allah aman io co dilahiran agi'.”

Kisah Boko Rasul 8:23

Obainyo aku moniant kolai sangant tungian. Kolai tojoyat dalapm dosa.”

Roma 6:12

Obai nantai, jangan agi' mombiaran dosa monguaso'i hidup kaitn di dunia ni'in inyo ongkah sobontar aja'. Jangan agi' monuruti kohonda' pakai' bodosa.

Roma 6:16

Kaitn tontu tohu ni'in: aman kaitn monyorahan diri kaitn ko siku' urakng huatan monaati io, boroti kaitn ia'an hulutn urakng nantai. Kaitn ulih monjadi hulutn dosa ongko akibatnyo kaitn paca'an mati socaro rohani. Damo kaitn ulih monaati Allah agatn akibatnyo kaitn paca'an bulah inyo bondar.

Roma 6:6

Kito tohu obai caro hidup kito inyo manah udah mati samo sama'an dibunuh di kayu salib bosamo Kristus. Nantai tojadi oca' kuaso dosa dalapm diri kito ulih dihancuran. Agatn sama'an nian, kito kinyo agi' monjadi hulutn dosa.

Roma 7:14

Kito tohu obai Hukupm Torat boasal doi' Roh Allah. Apo, aku ia'an monsio lomah. Aku culih molawatn kohonda'ku pakai' bodosa.

Roma 8:21

Apo pulahan-Nyo ni'in ado harapan: Nononyo Allah tajahan molopasan pulahan-Nyo doi' kuaso inyo mohancurannyo bosamo agatn poana'an-Nyo. Allah pan tajahan bulah pulahan-Nyo maho boi' agi' bosamo agatn poana'an-Nyo.

Efesus 2:2

Watu nantai, caro hidup kaitn samo sama'an boko urakng di dunia ni'in inyo kinyo mongonal Allah. Kaitn tuyut Rajo Sitatn inyo bokuaso di langit di pucu' somuo kuaso jahat. Io ia'an roh inyo bokorojo dalapm hati boko urakng inyo kinyo monaati Allah.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.