Yohanes 8:3 - Porjanjian Boharu Torjomahan Baso Dilakng Soari-ari

³ Watu nantai, datakam boko guru agama Yahudi huatan boko pomimpitn agama Yahudi doi' kolompok Farisi. Sia' mombaba' siku' botina' inyo ditangkap obai io bomporajoan agatn lolaki bukai.

Yohanes 8:3 ပူးပေါင်းရင်းမြစ်များ

Matius 2:4

Jadi, Rajo Herodes mongumpulan somuo imam kopala' huatan boko guru agama Yahudi. Io minto oca' sia' momadahan ko io, monurut boko nabi di mono Rajo Inyo Dijanjian Allah nantai paca'an lahir.

Yohanes 8:2

Kosunsuknghobu'annyo, Sio botula' agi' ko tongahlamanan Rumah Allah. Boko urakng datakng ko Sio. Lalu, Yesus dudu' huatan mongajar sia'.

Yohanes 8:4

Sia' mombaba' botina' nantai ko tongah-tongah urakng banya'. Kato sia' ko Yesus, “Guru, botina' ni'in totangkap bansah tongahan bomporajoan agatn lolaki inyo bukai lakinyo.

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Yohanes 9:13

Lalu, sia' mombaba' urakng inyo tontainyo buto nantai ko boko pomimpitn agama Yahudi doi' kolompok Farisi.

Kisah Boko Rasul 4:7

Somuo pomimpitn nantai monyiuh oca' Petrus agatn Yohanes dibaba' ongko bodiritn di hadapan sia'. Sia' monakutan, “La'apo inyo kaitn duo labuhan? Kaitn duo pakai kuaso sopo sampai urakng lumpuh nantai nyamanam?”

Roma 7:3

Aman botina' nantai monjadi bini lolaki inyo bukai timpu lakinyo ija' hidup, jadi hukupm monyatoan io bomporajoan. Apo aman botina' nantai monjadi bini lolaki inyo bukai pas-udah lakinyo udah mati, jadi io kinyo bomporajoan.