Yohanes 8:28 - Porjanjian Boharu Torjomahan Baso Dilakng Soari-ari

²⁸ Jadi, Yesus bopandir, “Watu kaitn moninggian ‘Ana' Monsio’, kaitn paca'an tohu obai Aku nanam Sio Inyo Ado nantai. Kaitn paca'an tohu jam obai Aku co bulah la'apo doi' kohonda' diri-Ku siku'. Aku bayo mongatoan lapo inyo diajaran Bopai ko aku.

Yohanes 8:28 ပူးပေါင်းရင်းမြစ်များ

Yohanes 5:30

“Aku culih-Ku bulah boko lapo doi' kohonda'-Ku siku'. Aku mohakipi sosuai agatn lapo inyo Aku dinga' doi' Bopai-Ku. Somuo koputusan-Ku adil, obai Aku co monuruti kohonda'-Ku siku', apo Aku monuruti kohonda' Sio inyo moutus Aku.

Yohanes 5:19

Ongko Yesus monimbas boko pomimpitn agama Yahudi nantai. Kato-Nyo, “Pondinga'ancam bobondar, inyo Ku pandiran ni'in: Ana' kinyo molabuhan boko la'apo doi' kohonda' diri-Nyo siku'. Ana' ongkah molabuhan la'apo inyo Io tiat doi' Bopai. Obai, la'apo inyo dilabuhan Allah Bopai, nantai jam inyo dilabuhan Ana'.

Yohanes 6:38

Obai, Aku udah turutn doi' sorugo bukainyo pakai' molabuhan kohonda'-Ku siku', apo Aku molabuhan kohonda' Allah inyo udah moutus Aku.

Yohanes 3:14

Samo sama'an komai Musa moninggian ular tombago ditihakng kayu dipadakng pasir. Samo ubo nantai jam agatn Ana' Monsio paca'an ditinggian

Kisah Boko Rasul 4:4

Apo banya' urakng inyo udah mondinga' ajaran Petrus ongko Yohanes monjadi pocayo agatn Yesus. Jadi jumlah urakng pocayo monjadi kiro-kiro lima' ribu boko urakng bujakng bosar ongko boko urakng tuho lolaki.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Yohanes 19:18

Di santai Sio dipaku di kayu salib. Timpu nantai pan ado duo urakng bukai dipaku di kayu salib, siku' di sopia' kanan ongko siku' di sopia' kiba' Yesus.

Yohanes 16:10

Sio paca'an bulah sia' sadar obai Aku bondar, obai Aku bobali' ko Bopai lalu kaitn kinyo moniant Aku agi'.

Yohanes 11:42

Aku tohu Duatn hala mondinga'an Aku. Apo, Aku mongatoan ni'in obai urakng banya' inyo ado di si'itan; oca' sia' pocayo obai Duatn inyo moutus Aku.”

Yohanes 8:24

Nantai sobabnyo Aku bopandir ko kaitn obai kaitn paca'an mati di dalapm boko dosa kaitn. Obai, aman kaitn co pocayo Aku ninam Sio Inyo Ado, jadi kaitn paca'an mati di dalapm dosa kaitn.”

Yohanes 3:11

Porotian cam! Koi bopandir mongona'i boko hal inyo koi kotohu'i. Koi momadahan mongona'i boko hal inyo udah koi tiat. Apo kaitn co honda' monorima' kosasian koi nantai.

Matius 24:5

Obai banya' urakng paca'an datakng inyo mongaku' dirinyo sama'an ubo Aku. Sia' paca'an bopandir, ‘Aku ninam Rajo Inyo Dijanjian Allah!’ Sia' paca'an mongontumbuki urakng banya'.

Markus 13:6

Obai banya' urakng tajahan datakng inyo mongaku' dirinyo Aku. Sia' tajahan bopandir, ‘Aku nam Rajo Inyo Dijanjian Allah!’ Sia' tajahan monipu urakng banya'.

Lukas 21:8

Yesus bopandir, “Boboi'cam! Jangan sampai kaitn dikotumbuki mongonaꞌi watu Aku bobali'. Banyaꞌ urakng paca'an datakng inyo mongaku' ubonyo io nantai Aku. Sia' paca'an bopandir, ‘Aku ni'inam Rajo Inyo Dijanjian Allah! Watu ni'in udah ahir joman!’ Jangan sampai kaitn pocayo ongko monjadi pongikut sia'.

Yohanes 4:26

Kato Yesus ko botina' nantai, “Aku ninam Sio nantai, inyo tongahan bopandir agatn kolai.”

Yohanes 8:27

(Sia' co mongoroti obai Sio bopandir ko sia' mongona'i Allah Bopai.)

Yohanes 8:58

Kato Yesus ko sia', “Pondinga'an boboi'cam inyo Ku pandiran ni'in: Sobolupm Abrahapm dilahiran, Aku udah Adoam!”

Yohanes 13:19

Aku momandiran hal nantai ko kaitn watu ni'in, sobolupm hal nantai tojadi. Aku molabuhan sama'an nantai oca' watu hal nantai tojadi, jadi kaitn paca'an pocayo obai Aku ninam Sio Inyo Ado.

Yohanes 18:32

(Nantai tojadi oca' pomandiran Yesus monjadi nyata, ia'an nantai pomandiran Yesus mongona'i caronyo Sio paca'an mati).