Yohanes 8:20 - Porjanjian Boharu Torjomahan Baso Dilakng Soari-ari

²⁰ Yesus momadahan somuo ni'in watu Io mongajar di tongahlamanan Rumah Allah dampikng tompat posombahan. Apo, conyiant ado siku' urakng pan inyo monangkap Sio obai watunyo bolupm datakng.

Yohanes 8:20 ပူးပေါင်းရင်းမြစ်များ

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Matius 27:6

Boko imam kopala' monguti' duit nantai lalu bopandir, “Duit ninam duit inyo dibayaran pakai' mombunuh urakng. Obai nianan, kito culih momansu'annyo ko dalapm tompat posombahan.”

Markus 12:41

Yesus dudu' mohadapi kotak posombahan huatan moniant boko urakng momansu'an duit posombahan ko dalapmnyo. Banya' urakng dampu momansu'an duit inyo bosar nilainyo.

Markus 12:43

Yesus moningkau boko murid-Nyo huatan bopandir ko sia', “Dinga'an bo! Sobondarnyo botina' balu inyo jaro ni'in moonji'i lobih doi' somuo urakng bukai inyo momansu'an duit ko dalapm kotak posombahan nantai.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Lukas 21:1

Yesus borotian boko urakng dampu monamoan duit posombahan ko dalapm tompat posombahan di tongahlamanan Rumah Allah.

Yohanes 10:39

Lopas jadi Yesus mongatoan nantai, sia' bousaha agi' monangkap Sio. Apo Sio lopas doi' jari sia'.

Yohanes 2:4

Kato Yesus koindainyo, “Indai, Aku cuku campur tangan dalapm urusan nantai. Bolupm datakng watunyo Aku monunju'an kuaso-Ku.”

Yohanes 7:14

Watu tongahan poraya'an nantai, Yesus botula' mongajar di tongahlamanan Rumah Allah.

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Yohanes 7:44

Boboropo urakng honda' monangkap Sio, apo conyiant siku' urakng pan inyo ulih moncama'-Nyo.

Yohanes 7:8

Kaitn ja'am botula' ko pogai nantai. Aku co botula' ko su'utan obai bolupm watu Ku.”

Yohanes 8:2

Kosunsuknghobu'annyo, Sio botula' agi' ko tongahlamanan Rumah Allah. Boko urakng datakng ko Sio. Lalu, Yesus dudu' huatan mongajar sia'.

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.