Yohanes 7:41 - Porjanjian Boharu Torjomahan Baso Dilakng Soari-ari

⁴¹ Inyo bukai bopandir, “Pasti Sio ni'inan Kristus, Rajo Inyo Dijanjian Allah!” Apo inyo bukai agi' bopandir, “Bukai! Kristus nantai kinyo datakng doi' Galilea.

Yohanes 7:41 ပူးပေါင်းရင်းမြစ်များ

Yohanes 1:41

Jadi, watu nantai, Andreas kotakng hagar monomu'i Simon. Katonyo ko somadikannyo nantai, “Udah kotomuan koi am Mesias!” (‘Mesias’ rotinyo ‘Kristus’, ia'an Rajo Inyo Dijanjian Allah.)

Yohanes 1:46

Kato Natanael ko io, “Ah! co mungkitn lou' inyo boi' boasal doi' laman Nazaret.”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 4:25

Kato botina' nantai ko Sio, “Aku tohu Rajo Inyo Dijanjian Allah paca'an datakng, inyo disobut Kristus. Watu Sio datakng, Sio paca'an momadahan la'apo pan ko kito.”

Yohanes 4:29

“Mara tiat bo! Ado urakng inyo mongatoan ko aku boko lapopan inyo kalo ku labuhan. Mungkitn kironyo Sio nantai Kristus, Rajo Inyo Dijanjian Allah?”

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

Yohanes 7:27

Apo watu Kristus datakng, co nyiant ado siku' urakng pan inyo paca'an tohu doi' mono asal-Nyo. Apo somuo kito tohu doi' mono asal Urakng ni'in.”

Yohanes 7:31

Apo, di antaro urakng banya' nantai ado banya' jam inyo pocayo ko Yesus. Kato sia', “Aman Kristus datakng nononyo, apo ulih bai Io bulah mujisat lobih doi' Urakng ni'in?”

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”