Yohanes 7:4 - Porjanjian Boharu Torjomahan Baso Dilakng Soari-ari

⁴ Aman urakng honda' monjadi tokonal, io kinyo moombakan lapo inyo dipulahnyo. Jadi, aman Duatn bulah mujisat, tunju'ancam diri Duatnko somuo urakng di dunia.”

Yohanes 7:4 ပူးပေါင်းရင်းမြစ်များ

Matius 23:5

Somuo inyo sia' labuhan bayo oca' urakng bukai mohormati sia'. Contohnyo: Kotak sombayakng inyo dikobat'an di koning huatan di longan, sia' mombosarannyo. Boko rumbai jubah, sia' pulah panjakng oca' kotiat'annyo lobih taat doi' urakng bukai.

Matius 4:6

Io bopandir ko Yesus, “Aman Duatn bondar-bondar Ana' Allah, molansakngcam doi' si'itn ko babah! Obai ado pomandiran Allah inyo ditulis dalapm Buku Suci, ‘Allah paca'an monyiuh boko molekat-Nyo molinduki Duatn. Sia' paca'an monantaian jari sia' oca' kaki Duatn co moninggakng batu!’ ”

Matius 6:16

“Watu kaitn bolampah, jangan mato-muho kaitn kotiat'an salu'. Boko urakng inyo pompadah boi' molabuhan sama'an nantai. Sia' songajo bulah mato-muho sia' kotiat'an salu' oca' urakng bukai tohu obai sia' tongahan bolampah. Kotakng bondar inyo Aku pandiran ni'in: Sia' udah mondapat upah sia' doi' sosamo monsio.

Matius 6:5

“Watu kaitn bodoa, jangan sama'an boko urakng inyo pompadah boi'. Sia' gala' bodoa agatn bodiritn di hadapan urakng banya' di boko rumah sombayakng huatan di boko simpakng jalatn bosar. Sia' bodoa agatn caro nantai oca' urakng bukai moniant sia'. Kotakng bondar inyo Aku pandiran ni'in: Sia' udah bodapat upah sia' doi' sosamo monsio.

Lukas 6:45

Sama'an nian jam urakng boi' pasti mongoluaran hal inyo boi' obai hatinyo boi'. Sama'an nian jam urakng jahat pasti mongoluaran hal inyo jahat obai hatinyo jahat. Obai la'apo inyo dipandirannyo koluar doi' isi hatinyo.”

Yohanes 18:20

Apo Yesus bopandir ko io nantai, “Hibo kolai botakutn ko Aku? Aku hala bopandir torus-torakng di muka' umum. Aku hala mongajar di boko rumah sombayakng, huatan di Rumah Allah jam, tompat somuo urakng Yahudi bokumpul. Kinyo kalo Ku bumbutn. Takutan ja'am ko sia' inyo udah mondinga' boko ajaran-Ku. Pasti sia' tohu lapo inyo Ku katoan.”

Yohanes 7:3

Boko somadikan Yesus bopandir ko Sio, “Botula'cam doi' si'itan. Botula'cam ko Yudea oca' boko murid Duatn ulih moniant boko mujisat inyo Duatn labuhan.

Yohanes 7:5

(Boko somadikan-Nyo bopandir ubo nantai obai sia' pan co pocayo ko Sio.)