Yohanes 7:39 - Porjanjian Boharu Torjomahan Baso Dilakng Soari-ari

³⁹ (Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)

Yohanes 7:39 ပူးပေါင်းရင်းမြစ်များ

Matius 16:14

Timbas sia', “Ado inyo bopandir Duatn ni'in Yohanes Pombaptis. Ado jam inyo bopandir Duatn ni'in Nabi Elia. Ado urakng bukai inyo bopandir Duatn ni'in Nabi Yeremia damo salah siku' urakng nabi bukai.”

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Lukas 24:49

Apo diapmcam di kota Yerusalem ni'in holu'ai obai Aku paca'an moutus Roh Allah ko kaitn, samaꞌan inyo udah dijanjian Bopai-Ku. Diapmcam holu'ai sampai Roh Allah datakng pakai' molongkapi kaitn agatn kuaso doi' Allah.”

Lukas 3:16

Yohanes monimbas, “Aku bukainyo Rajo Inyo Dijanjian Allah. Apo kinyo manah agi' Sio tajahan datakng. Sio lobih bokuaso tangga'i Aku. Monjadi hulutn-Nyo inyo kotakng babah pan, aku co cucu'. Aku ongkah mombaptis urakng agatn ara'i. Apo Sio tajahan mombaptis urakng agatn Roh Allah huatan agatn api.

Lukas 7:16

Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Yohanes 1:21

“Aman ubo nian,” sia' botakutn ko io, “Duatn sopo? Kata'an duatn Nabi Elia doi' joman komai inyo datakng agi'?” Timbas Yohanes, “Bukai! Kata'an duatn Nabi nantaiam nabi inyo koi tantian?” Timbas io, “Bukai!”

Yohanes 1:25

Sia' botakutn ko io, “Duatn momadahan duatn bukainyo Kristus, bukainyo Nabi Elia, bukainyo Nabi inyo koi tantian. Amannyo ubo nian, mapo duatn mombaptis boko urakng?”.

Yohanes 1:33

Watu nantai, aku co tohu sopo Sio. Apo Allah inyo moutus aku pakai' mombaptis agatn ara'i, udah bopandir ko aku, ‘Aman kolai moniant Roh Allah turutn ko pucu' siku' urakng, lalu mohinggap di pucu'-Nyo, jadi urakng nantaiam Urakng inyo paca'an mombaptis agatn Roh Allah.’

Yohanes 12:16

(Timpu nantai, boko murid Yesus co mongoroti boko hal nantai. Apo, lopas Yesus dimuliaan molalu'i komatian huatan konoi'an-Nyo ko sorugo, hoyu' sia' mongoroti obai boko hal nian totulis mongona'i Yesus. Sia' mongoroti obai boko hal ni'in inyo sia' pulah ko Yesus, udah sosuai agatn pomandiran nabi nantai.)

Yohanes 12:23

Kato Yesus ko sia', “Udah datakam watunyo Ana' Monsio dimuliaan.

Yohanes 14:13

lalu Aku paca'an molabuhan apo saja' inyo kaitn pinto dalapm damo-Ku. Aku paca'an molabuhannyo, oca' Aku ulih monunju'an obai Bopai Ku mulia

Yohanes 14:26

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

Yohanes 16:14

Sio paca'an momboritoan ko kaitn pomandiran inyo Sio torima' doi' Aku. Agatn caro nantai, Sio paca'an momuliaan Aku.

Yohanes 16:7

Apo sobondarnyo, lobih boi' pakai' kaitn aman Aku botula'. Pomandiran-Ku nantai bondar! Obai, aman Aku co botula', Ponulukng kinyo datakng ko kaitn. Apo aman Aku botula', Aku paca'an moutus Ponulukng nantai ko kaitn.

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 20:22

Lopas jadi Yesus bopandir bunyi nantai, Sio mohombusan kosih-Nyo ko sia' lalu bopandir, “Torima' cam Roh Allah!

Yohanes 6:14

Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

Yohanes 7:12

Boko urakng mula'i boko bongkucapan mongona'i Sio. Ado inyo bopandir, “Sio urakng boi' hati.” Apo inyo bukai bopandir, “Sio kinyo boi'! Sio monyosat'an boko urakng.”

Yohanes 8:54

Timbas Yesus, “Soandainyo Aku goyap hormat pakai' diri-Ku siku', jadi hormat nantai conyiant ado rotinyo. Inyo mohormati Ku nianam Bopai-Ku, ia'an Sio inyo kaitn sobut sobagai Allah kaitn nan.

Kisah Boko Rasul 19:2

Io botakutn ko sia', “Timpu kaitn monjadi pocayo, apobai kaitn udah monorima' Roh Allah?” Timbas sia', “Bolupm. Malah koi bolupm kalo mondinga' obai ado Roh Allah.”

Kisah Boko Rasul 2:17

Allah bopandir, ‘Watu ahir joman, Aku paca'an moonji'i Roh-Ku ko somuo urakng. Ongko boko ana' kaitn, lolaki huatan botina' tajahan monyampaian posatn-Ku ko boko urakng. Boko bujakng muda' kaitn paca'an bodapat boko poniant'an, Boko urakng tuho kaitn paca'an bodapat boko mimpi husus.

Kisah Boko Rasul 2:33

Lopas nantai, Sio udah noi' ko sorugo obai kuaso Allah. Yesus pan udah monorima' Roh Allah obai Roh Allah nantai udah dijanjian Bopai-Nyo. Jadi, watu ni'in Yesus moonji'i Roh Allah ko koi. Nanam kojadian inyo udah kaitn tiat huatan dinga' molalu'i boko urakng inyo bopandir agatn bomacapm baso di si'itn.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

2 Korintus 3:8

tontu pojanjian inyo dionju' Roh Allah datakng agatn komulia'an inyo lobih bosar agi'.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.