Yohanes 7:32 - Porjanjian Boharu Torjomahan Baso Dilakng Soari-ari

³² Boboropo pomimpitn agama Yahudi doi' kolompok Farisi mondinga' urakng banya' nantai bongkucapan mongona'i Yesus. Jadi, sia' bosamo-samo agatn boko imam kopala' monyiuh boboropo ponjago Rumah Allah oca' botula' monangkap Yesus.

Yohanes 7:32 ပူးပေါင်းရင်းမြစ်များ

Kisah Boko Rasul 5:26

Jadi, kopala' pongawal Rumah Allah bosamo agatn boko potugasnyo botula' ko su'utn. Sia' honda' mombaba' agi' boko rasul nantai. Apo sia' gola' agatn urakng banya' inyo tongahan mondinga' ajaran boko rasul nantai. Gola'nyo urakng banya' nantai godi ongko monikapm sia' agatn batu. Obai nantai, pongawal Rumah Allah bosamo boko potugasnyo mombaba' boko rasul nantai kinyo agatn kokorasan.

Yohanes 18:3

Yudas datakng ko santai mombaba' kolompok urakng pakai' monangkap Yesus. Ado boboropo ponjago Rumah Allah inyo disiuh boko imam kopala' huatan boko pomimpitn agama Yahudi doi' kolompok Farisi. Ado jam pasukan tontara Romawi. Kolompok urakng nantai datakng agatn mombaba' obor huatan sonjato.

Yohanes 12:19

Ongko boko pomimpitn agama Yahudi doi' kolompok Farisi, sia' bopandir siku'-monyiku', “Kito samo sokali kinyo ulih morarakng sia'. Porotianbo! Somuo urakng botula' tuyut Sio!”

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Matius 12:14

Apo boko urakng Farisi nantai koluar ongko bulah gogadatn pakai' mombunuh Yesus.

Matius 26:58

Petrus mombodapan Sio doi' jouh. Sampai ko rumah nantai, Petrus mansu' ko tongah lamanan lalu dudu' bosamo agatn boko ponjago, oca' ulih mongotohu'i la'apo inyo paca'an tojadi agatn Yesus.

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Yohanes 11:46

Apo boboropo urakng di antaro sia' botula' ko boko pomimpitn agama Yahudi doi' kolompok Farisi. Sia' mongisahan ko boko urakng Farisi la'apo inyo udah dipulah Yesus nantai.