Yohanes 7:23 - Porjanjian Boharu Torjomahan Baso Dilakng Soari-ari

²³ Aman kaitn totap monyunant watu Ari Sabat, kaitn molabuhan nantai oca' kaitn co molanggar poraturan Musa nantai. Jadi, soharusnyo kaitn jangan godi agatn Aku pas Aku monyamani bukakng-tubuh siku' urakng watu Ari Sabat!

Yohanes 7:23 ပူးပေါင်းရင်းမြစ်များ

Matius 12:10

Di santai ado urakng inyo longannyo mati sopia'. Boko urakng Farisi nantai bogoyap kosalahan Yesus, oca' ulih monuduh-Nyo. Jadi, sia' botakutn ko Yesus, “Ulih cado monyamani urakng watu Ari Sabat?”

Matius 12:2

Boboropo pomimpitn agama Yahudi doi' kolompok Farisi moniant nantai. Ongko sia' bopandir ko Yesus, “Porotiancam! Porbuatan boko murid Duatn nantai salah! Obai, ado porintah Allah dalapm Hukupm Torat inyo morarakng urakng bokorojo timpu Ari Sabat.”

Matius 12:5

Pasti kaitn pan kalo mombaco dalapm Hukupm Torat mongona'i boko imam. Timpu Ari Sabat, sia' botugas di dalapm Rumah Allah. Obai nantai sia' molanggar hukupm Sabat. Apo sia' kinyo dianggap bosalah.

Yohanes 5:10

Obai nianam, boko pomimpitn agama Yahudi bopandir ko urakng inyo hoyu' nyamanam nantai. Kato sia', “Sari ni'in ari Sabat. Jadi kolai culih mombaba' tikar kolai.”

Yohanes 7:21

Yesus monimbas sia', “Aku bayo molabuhan sobuti' porbuatan watu ari Sabat, lalu somuo kaitn hiratn.

Yohanes 9:16

Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.