Yohanes 7:19 - Porjanjian Boharu Torjomahan Baso Dilakng Soari-ari

¹⁹ Musa udah moonju' ko kaitn Hukupm Torat. Apo conyiant sikuꞌ urakng pan di antaro kaitn inyo monaatinyo. Hibo kaitn honda' mombunuh Aku?”

Yohanes 7:19 ပူးပေါင်းရင်းမြစ်များ

Matius 12:14

Apo boko urakng Farisi nantai koluar ongko bulah gogadatn pakai' mombunuh Yesus.

Matius 21:38

Apo, pas boko potani ponyewa nantai moniant ana' urakng umputn kobutn tongahan datakng, sia' bohoupm agatn siku'-monyiku', ‘Io nian ia'an ahli waris puku' kobutn ni'in nononyo io monjadi urakng umputn kobutn ni'in aman bopainyo udah mati. Mara, kito mombunuh io oca' warisan kobutn ni'in paca'an monjadi umputn kito!’

Markus 11:18

Boko imam kopala' agatn boko guru agama Yahudi mondinga' mongona'i hal nantai. Sia' gola' agatn Sio obai somuo urakng hiratn agatn ajaran-Nyo. Jadi, sia' bogoyap caro pakai' mombunuh Sio.

Markus 3:4

Lalu, Yesus bopandir ko sia', “Lapo inyo ulih kito labuhan watu ari Sabat, bulah koboi'an kata'an bulah kojahatan; monyolamant'an urakng kata'an mombunuhnyo?” Apo sia' langunt mo.

Markus 3:6

Jadi, boko urakng Farisi koluar, copat bohoupm agatn boko urakng inyo mondukukng Rajo Herodes. Bosamo-samo sia' bohajat pakai' mombunuh Yesus.

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 10:39

Lopas jadi Yesus mongatoan nantai, sia' bousaha agi' monangkap Sio. Apo Sio lopas doi' jari sia'.

Yohanes 11:53

Jadi, mula'i ari nantai boko pomimpitn urakng Yahudi sopakat pakai' mombunuh Yesus.

Yohanes 5:16

Jadi, boko pomimpitn agama Yahudi nantai bousaha honda' mondorako'i Yesus. Obai, Sio molabuhan boko hal ubo nantai watu ari Sabat.

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 5:45

Jangan kaitn bopikir obai Aku paca'an monyalahan kaitn di hadapan Bopai. Urakng inyo monyalahan kaitn nan Musa. Kaitn boharap kaitn paca'an disolamant'an obai kaitn monaati porintah Allah inyo ditulis Musa. Apo, justru Musanam inyo monyalahan kaitn.

Yohanes 7:1

Lopas jadi nantai, Yesus bojalatn mongoliliki doerah Galilea. Sio co honda' ko doerah Yudea obai boko pomimpitn agama Yahudi di santai honda' mombunuh Sio.

Yohanes 7:25

Lopas jadi nantai, boboropo urakng Yerusalem bopandir, “Pasti urakng ninam urakng inyo honda' dibunuh pomimpitn kito pan?

Kisah Boko Rasul 7:38

Somanah angki-bayatn kito urakng Israel ado di padakng pasir, Musa ado bosamo sia'. Io monjadi porontaro pakai' sia' obai io monorima' pomandiran Allah doi' molekat di Gunung Sinai, ongko io monyampaian pomandiran Allah nantai ko sia'. Sampai ari ni'in pan pomandiran Allah nantai totap bolaku. Pomandiran Allah nantai monjolasan caro hidup inyo monyonangan Allah.

Galatia 3:19

Aman ubo nian, ma'apo Allah moonji'i Hukupm Torat ko Musa? Allah moonju' Hukupm Torat nantai oca' kito tohu obai kito molanggar boko porintah Allah. Allah bomasud oca' Hukupm Torat nantai totap monjago sampai watu koturutan Abrahapm inyo dijanjian nantai datakng, ia'an Yesus. Allah moonju' Hukupm Torat nantai molalu'i boko molekat inyo monyampaiannyo ko siku' monsio sobagai porontaro Allah agatn monsio.

Galatia 6:13

Sia' nantai udah disunant. Apo sia' kinyo monaati somuo porintah huatan poraturan Allah inyo ditulis Musa dalapm buku Hukupm Torat. Sia' bayo honda' kaitn disunant oca' sia' ulih mombuhau'i.