Yohanes 7:16 - Porjanjian Boharu Torjomahan Baso Dilakng Soari-ari

¹⁶ Kato Yesus ko sia', “Ajaran-Ku co boasal doi' diri-Ku siku', apo doi' Allah inyo udah moutus Aku.

Yohanes 7:16 ပူးပေါင်းရင်းမြစ်များ

Yohanes 14:10

Kata'an kolai kinyo pocayo aman Aku bosatu agatn Bopai, huatan Bopai bosatu agatn Aku? Pomandiran-Ku kinyo boasal doi' diri-Ku siku', apo doi' Bopai inyo bosatu agatn Aku. Sionam inyo mongorojoan somuonyo nantai.

Yohanes 14:24

Apo urakng inyo co mongasihi Aku, io kinyo monuruti pomandiran-Ku. Pomandiran-Ku inyo kaitn dinga', sobondarnyo kinyo doi' Aku siku', apo doi' Allah Bopai inyo moutus Aku.

Yohanes 17:14

Udah-Ku padahannam ko sia' somuo pomandiran Duatn. Jadi boko urakng dunia bonci'an sia', obai sia' bukainyo umputn dunia, samo sama'an Aku inyo bukainyo umputn dunia jam.

Yohanes 17:8

Obai, Aku udah momadahannyo ko sia' somuo pomandiran inyo Duatn onju' ko aku. Lalu, sia' monorima' pomandiran Duatn nantai. Sia' tohu obai Aku bondar-bondar datakng doi' Duatn. Sia' pocayo obai Duatnnam inyo moutus Aku.

Yohanes 3:11

Porotian cam! Koi bopandir mongona'i boko hal inyo koi kotohu'i. Koi momadahan mongona'i boko hal inyo udah koi tiat. Apo kaitn co honda' monorima' kosasian koi nantai.

Yohanes 3:31

Urakng inyo datakng doi' sorugo urakng nanam inyo bokuaso doi' la'apo pan. Urakng inyo boasal doi' dunia ninam monsio biaso, ongkah bopandir mongona'i boko hal duniaam. Yesus datakng doi' sorugo. Sionam inyo bokuaso doi' la'apo pan.

Yohanes 5:30

“Aku culih-Ku bulah boko lapo doi' kohonda'-Ku siku'. Aku mohakipi sosuai agatn lapo inyo Aku dinga' doi' Bopai-Ku. Somuo koputusan-Ku adil, obai Aku co monuruti kohonda'-Ku siku', apo Aku monuruti kohonda' Sio inyo moutus Aku.

Yohanes 6:44

Conyiant ado siku' urakng pan ulih datakng ko aku kocuali Allah Bopai mombaba'nyo ko Aku inyo diutus Allah. Aku paca'an mombulah io hidup agi' watu ahir joman.

Yohanes 8:28

Jadi, Yesus bopandir, “Watu kaitn moninggian ‘Ana' Monsio’, kaitn paca'an tohu obai Aku nanam Sio Inyo Ado nantai. Kaitn paca'an tohu jam obai Aku co bulah la'apo doi' kohonda' diri-Ku siku'. Aku bayo mongatoan lapo inyo diajaran Bopai ko aku.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.