Yohanes 7:15 - Porjanjian Boharu Torjomahan Baso Dilakng Soari-ari

¹⁵ Boko pomimpitn agama Yahudi hiratn bondar. Kato sia', “Ubo apo Urakng ni'in ulih tohu hala? Sio co jumpat sokolah husus Hukupm Torat.”

Yohanes 7:15 ပူးပေါင်းရင်းမြစ်များ

Matius 13:54

Sio bobali' ko laman-tompu' tompat asal-Nyo lalu mongajar boko urakng di santai, di rumah sombayakng sia'. Lalu sia' hiratn. Kato sia', “Doi' mono Urakng ni'in bodapat kopintar-corodi'an sama'an nantai. Doi' mono Sio bodapat kuaso ongko mombulah mujisat ubo nantai?

Matius 22:22

Sia' kotakng hiratn mondinga' timbas Yesus nantai. Lalu, sia' moninggalan Yesus.

Matius 22:33

Timpu urakng banya' mondinga' ponjolasan Yesus nantai, sia' topocongo bondar agatn ajaran-Nyo.

Lukas 2:47

Ado jam boko urakng bukai di santai bondinga'an pomandiran Yesus dalapm boko soal-jawab agatn boko guru agama nantai. Hiratn sia' somuo, mondingaꞌ boko jawaban Yesus, obai pongorotian-Nyo kotakng dalapm.

Lukas 4:22

Somuo urakng inyo ado di santai bopandir, “Sio urakng boi'.” Sia' hiratn mondingaꞌ pomandiran Sio inyo kotakan corodi'. Kato sia', “Padohal Sio ni'in ana' Yusuf mo!”

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 7:11

Boko pomimpitn agama Yahudi boriso'i Sio di pogai nantai. Kato sia', “Di mono kiro Urakng nantai?”

Yohanes 7:13

Apo, conyiant ado urakng inyo borani bopandir torakng-torakan mongona'i Sio obai sia' gola' agatn boko pomimpitn agama Yahudi.

Yohanes 7:46

Timbas boko ponjago nantai, “Bolupm kalo ado urakng inyo mongajar momadahan boko hal ubo Sio nantai!”

Kisah Boko Rasul 26:24

Pontongahan Paulus momandiran boko hal nantai pakai' mombela dirinyo, Festus bopandir agatn saro borakng, “Paulus, kolai udah gogilo! Kolai udah tolalu banya' bolajar sampai kolai monjadi gogilo.”

Kisah Boko Rasul 4:13

Watu boko pomimpitn mondinga' rasul Petrus ongko rasul Yohanes bopandir agatn borani ubo nantai, sia' hiratn obai koduo rasul nantai bayo urakng biaso. Koduo rasul nantai kinyo bopondidikan. Boko pomimpitn nantai jam monyadari aman Petrus ongko Yohanes nantai murid Yesus.