Yohanes 6:9 - Porjanjian Boharu Torjomahan Baso Dilakng Soari-ari

⁹ “Di si'itn ado siku' bobia' inyo ado lima' pingkai' roti sonjoli huatan ado duo iku' ikatn. Apo, nantai pocumo jam pakai' urakng pombanya'an ni'in.”

Yohanes 6:9 ပူးပေါင်းရင်းမြစ်များ

Matius 14:17

Timbas sia', “Koi bayo ado lima' pingkai' roti huatan duo iku' ikatn.”

Matius 16:9

Kaitn ija' bolupm mongoroti jam! Tongkolupatn kaitam kojadian lima' roti dionju' ko lima' ribu urakng? Lalu ado banya' sisa'nyo inyo kaitn kumpulan.

Markus 6:38

Apo Yesus bopandir ko sia', “Ado boropo roti inyo ado di kaitn? Porisoi'nam!” Lopas sia' momoriso'inyo sia' momadahannyo ko Sio, “Ado lima' pingkai' roti ongko duo iku' ikatn.”

Markus 8:19

Aku moonji'i pomakatn pakai' urakng lima' ribu bayo agatn lima' pingkai' rotimo. Timpu kaitn mongumpulan kolobihannyo, boropo kobudu' inyo bisi?” Timbas sia', “Duo bolas kobudu'.”

Lukas 9:13

Apo Yesus bopandir, “Kaitn ja'am moonji'i sia' pomakatn!” “Co mungkitn,” kato boko rasul-Nyo, “Koi bayo ado lima' pingkai' roti ongko duo iku' ikatn. Pasti kinyo cukup, cuali koi botula' momboli pomakatn pakai' somuo urakng ni'in!”

Yohanes 11:21

Kato Marta ko Yesus, “Tuhatn, soandainyo Duatn ado di si'itan sobolupmnyo, somadikanku kinyo mati.

Yohanes 11:32

Watu Maria datakng di tompat Yesus huatan moniant Io, lansukng Maria tundu' monyungkapan di pohadapan kaki-Nyo. Kato Maria ko Sio, “Tuhatn, soandainyo Duatn ado di si'itan sobolupmnyo, pasti somadikanku kinyo mati.”

Yohanes 21:10

Kato Yesus ko sia', “Baba'cam boboropo iku' ikatn, ulih kaitn nantai.”

Yohanes 21:13

Lopas nantai, Yesus maju monguti' roti lalu moonju'nyo ko sia', ubo nantai jam ikatn nantai.

Yohanes 21:9

Pas sia' turutn doi' porohu, sia' moniant di pantai ado api bobaroam. Di pucu' baro api nantai ado boboropo iku' ikatn. Ongko ado roti.

Yohanes 6:11

Yesus monguti' roti nantai, moucap'an torima' kasih ko Allah, lalu mombagi-bagiannyo ko somuo urakng inyo dudu' di siatn tai. Ubo nian jam, Sio mombagi-bagian ikatn nantai. Somuo sia' makatn sampai konyang.

Yohanes 6:7

Timbas Filipus ko Sio, “Biar sayakan sodikit, roti sorogo duo ratus dinarpan kinyo cukup pakai' urakng sobanya' ni'in.”

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Wahyu 6:6

Aku mondinga' ubo ado bunyi saro di tongah-tongah koompat mahluk nian. Saro nantai bopandir, “Rogo sokilu topukng gandupm monjadi kotakng mahal, samo agatn upah soari ponuh. Rogo tigo kilu topukng sonjoli mudahmo monjadi sorogo upah soari ponuh. Apo jangannam morusa' kobutn buah Jaitun ongko kobutn anggur.”