Yohanes 6:70 - Porjanjian Boharu Torjomahan Baso Dilakng Soari-ari

⁷⁰ Timbas Yesus ko sia', “Aku siku' udah momilih kaitn, koduo bolas urakng ni'in pan? Apo salah siku' di antaro kaitn nan sitatn!”

Yohanes 6:70 ပူးပေါင်းရင်းမြစ်များ

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Yohanes 13:21

Lopas Yesus bopandir sama'an nantai, Sio kotakng salu'. Lalu, Sio momadahan agatn sobobondarnyo, “Dinga'ancam! Bobondar inyo Aku pandiran ni'in: Salah siku' urakng doi' antaro kaitn paca'an monyorahan Aku ko musuh.”

Yohanes 13:27

Lopas Yudas monorima' roti nantai, Rajo Sitatn mansu' ko dalapm hatinyo. Lalu Yesus bopandir ko Yudas, “Labuhan copat cam hal apo inyo honda' kolai labuhan!”

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 15:19

Soandainyo kaitn ija' bosatu agatn boko urakng di dunia, pasti sia' mongasihi kaitn obai sokolompok agatn sia'. Apo, kaitn co bosatu agatn boko urakng di dunia. Aku udah momilih kaitn doi' sia'. Nantai sobabnyo sia' bonci'an kaitn.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 2:2

Yesus huatan boko murid-Nyo dihundakng jam ko pogai kawitn nantai.

Yohanes 20:24

Ado salah siku' doi' koduo bolas rasul Yesus. Damonyo Tomas. Io inyo disobut “Si Ana' Kombar”. Watu Yesus datakng ko santai, Tomas kinyo bosamo agatn sia'.

Yohanes 6:64

Apo di antaro kaitn ado inyo kinyo pocayo.” Yesus momadahan nantai obai Sio udah tohu doi' mulonyo sopo-sopo inyo co paca'an pocayo ko Sio. Sio pan mongotohu'i sopo inyo paca'an monyorahan Sio ko musuh-Nyo.

Yohanes 6:67

Lalu Yesus bopandir ko koduo bolas murid-Nyo, “Kata'an kaitn honda' moninggalan Aku jam ai?”

Yohanes 6:71

(Yesus bomasud Yudas, ana' Simon Iskariot. Obai, Yudas paca'an monyorahan Yesus ko musuh-Nyo, biar pan Yudas ia'an salah siku' urakng doi' koduo bolas muridnyo nantai).

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Kisah Boko Rasul 13:10

Katonyo, “Kolai ni'in ana' Rajo Sitatn! Kolai molawatn somuo inyo bondar! Kolai hala mongontumbuki ongko monipu urakng. Ajaran Tuhatn inyo bujur bondar. Apo kolai hala morubah ajaran Tuhatn monjadi ajaran salah! Jangan hala bulah lou' sama'an nian.

1 Timotius 3:11

Ubo nian jam, bini boko diakon gola' hidup agatn caro inyo boi'. Sia' gola' tohormat. Sia' co ulih hala bojahat urakng. Sia' gola' mongondalian diri. Sia' pan gola' dapat dipocayo'i dalapm somuo hal.

Titus 2:3

Ubo nian jam agatn boko botina' inyo udah tuho. Ajaricam sia' pakai' hidup agatn caro inyo mohormati Allah. Sia' culih bojaha'i urakng bukai. Sia' culih gala' minum sampai mabu'. Sia' gola' mongajar boko hal inyo boi'.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.