Yohanes 6:62 - Porjanjian Boharu Torjomahan Baso Dilakng Soari-ari

⁶² Ubo apo pikiran kaitn soandainyo kaitn moniant Ana' Monsio noi' agi' ko sorugo, tompat-Nyo bodiapm sobolupmnyo?

Yohanes 6:62 ပူးပေါင်းရင်းမြစ်များ

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Markus 16:19

Lopas Tuhatn Yesus momandiran nantai ko sia', Sio noi' ko sorugo. Di su'utn Sio dudu' momorintah di tompat inyo tohormat di sopia' kanan Allah.

Lukas 24:51

Tongahan Sio molabuhan nantai, Sio tosongkayo doi' sia', toangkat ko sorugo.

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Yohanes 17:11

Sobontar agi' Aku paca'an datakng bobali' ko Duatn. Aku co paca'an ado di dalapm dunia. Apo sia' ija' ado di dalapm dunia ni'in. Oi Bopai-Ku inyo Suci, lindukicam sia' agatn kuaso dalapm damo Duatn, ia'an damo inyo Duatn udah onju' ko Aku. Lindukicam sia' oca' sia' bosatu, samo sama'an Duatn agatn Aku siku'mo.

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 6:42

Kolompok urakng Yahudi nantai bopandir, “Yesus ni'in bayo ana' Yusuf pan? Kito konal agatn indai bopai-Nyo. Ubo apo Io ulih bopandir, Aku turutn doi' sorugo?”

Yohanes 6:53

Jadi, Yesus bopandir ko sia', “Dinga'an bo! Kobondaran inyo Aku pandiran ni'in: Kaitn gola' bopua' isi Ana' Monsio huatan minum darah-Nyo. Aman cado, kaitn kinyo bondar-bondar hidup.

Kisah Boko Rasul 1:9

Lopas jadi Sio bopandir ubo nantai, Sio toangkat ko sorugo. Sia' moniant Sio sampai awatn monutupi-Nyo. Ongko sia' co dapat moniant Sio agi'.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.