Yohanes 6:5 - Porjanjian Boharu Torjomahan Baso Dilakng Soari-ari

⁵ Watu Yesus borotian sokolilikng-Nyo, Sio moniant banya' bondar urakng inyo datakng ko Sio. Jadi, Sio bopandir ko Filipus, “Di mono kito dapat momboli roti, oca' somuo urakng ni'in dapat makatn?”

Yohanes 6:5 ပူးပေါင်းရင်းမြစ်များ

Matius 15:33

Boko murid-Nyo bopandir ko sio, “Tompat ni'in langunt. Co mungkitn kito ulih bodapat roti pakai' urakng sobanya' ni'in!”

Markus 6:32

Jadi, sia' botula' jumpat porohu monuju ko tompat inyo langunt.

Lukas 9:10

Boko rasul Yesus bobali'. Sia' mongisahan ko Sio somuo inyo sia' labuhan timpu bojalatn ko boko laman nantai. Ongko, Yesus botula' bosamo boko rasul-Nyo, monuju ko kota Betsaida, bogoyap tompat inyo langunt oca' bayo ado sia' ja'am.

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Yohanes 1:44

(Filipus nantai boasal doi' kota Betsaida, samo sama'an Andreas agatn Petrus.)

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 1:46

Kato Natanael ko io, “Ah! co mungkitn lou' inyo boi' boasal doi' laman Nazaret.”

Yohanes 1:48

Natanael botakutn, “Sama'an apo Duatn tohu agatn aku?” Timbas Yesus, “Sobolupm Filipus moningkau kolai, Aku udah moniant kolai di babah kayu ara nantai.”

Yohanes 4:35

Kaitn bopandir, ‘Ompat bulatn agi' udah musipm mohanyi.’ Apo, Aku bopandir ko kaitn ni'in: Tiatbo! Boko padi di lakau mansa' am, siap dihanyi!