Yohanes 6:45 - Porjanjian Boharu Torjomahan Baso Dilakng Soari-ari

⁴⁵ Di dalapm Buku boko nabi, ado tulisan ni'in: ‘Allah paca'an moajari sia' somuo.’ Jadi, somuo urakng inyo mondinga' huatan bolajar doi' Allah Bopai, sia' datakng ko aku.

Yohanes 6:45 ပူးပေါင်းရင်းမြစ်များ

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Markus 1:2

Kabar Boi' nantai mula'i sama'an inyo ditulis Nabi Yesaya, ninam pomandiran-Nyo: “Dinga'ancam! Aku tajahan monyiuh utusan-Ku mondoholu'i Duatn. Utusan-Ku nantai tajahan momposiapan jalatn pakai' kodatakan Duatn.

Lukas 1:70

Topat ubo inyo dijanjian Allah. Janji inyo disampaian boko nabi pilihan Allah.

Lukas 18:31

Yesus moningkau koduo bolas rasul oca' bokumpul di tompat husus agatn Sio. Ongko bopandir, “Dinga'anbo! Kito molajuan pojalatan kito agi' monuju kota Yerusalem. Di su'utn, tajahan tojadi sosuai agatn la'apo inyo holu udah ditulis boko nabi mongonaꞌi Ana' Monsio.

Yohanes 10:27

Boko domba-Ku mondinga'an saro-Ku. Aku mongonal sia' huatan sia' tuyut Aku.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Yohanes 6:65

Lalu Yesus bopandir agi', “Nianam sobabnyo Aku momadahan ni'in ko kolai: Conyiant siku' pan ulih datakng ko aku, kocuali aman Allah Bopai mombulah nantai tojadi.”

Kisah Boko Rasul 13:40

Apo, bobo'i cam oca' Allah co mohukupm kaitn. Allah udah moingant'an kaitn molalu'i inyo ditulis boko nabi. Dinga' ni'in bunyinyo,

Kisah Boko Rasul 7:42

Obai nantai am, Allah monula' sia', mombiaran sia' monyombah matoari, bulatn, boko bintakng. Nantai tojadi sama'an ubo inyo totulis di dalapm buku boko nabi. Allah bopandir, ‘Oi urakng Israel! Kaitn udah hidup di padakng pasir somanah ompat puluh tohutn. Somanah nantai, kaitn co bondar mombaba' kurbatn sombolihan ongko posombahan ko aku.

Efesus 1:17

Aku bodoa ko Allah Tuhatn kito Yesus Kristus, Allah Bopai inyo mulia, oca' Sio moonji'i Roh-Nyo ko kaitn inyo mombulah kaitn bohikmat huatan mongonal Sio kotakng dalapm agi'.

Filipi 3:15

Obai nantai, somuo kito inyo kuat pocayo ko Yesus gola' bopikir agatn caro nantai. Apo aman ado urakng di antaro kaitn inyo bopikir agatn caro inyo bukai, jadi Allah tajahan monjolasannyo ko kolai jam.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

Ibrani 10:16

“Lopas watu nantai, sama'an ni'in pojanjian inyo tajahan Ku pulah agatn umant Israel: Aku tajahan moangga'an boko porintah-Ku dalapm pikiran sia' Aku tajahan monulisnyo dalapm hati sia'.”

1 Yohanes 2:27

Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.