Yohanes 6:38 - Porjanjian Boharu Torjomahan Baso Dilakng Soari-ari

³⁸ Obai, Aku udah turutn doi' sorugo bukainyo pakai' molabuhan kohonda'-Ku siku', apo Aku molabuhan kohonda' Allah inyo udah moutus Aku.

Yohanes 6:38 ပူးပေါင်းရင်းမြစ်များ

Yohanes 5:30

“Aku culih-Ku bulah boko lapo doi' kohonda'-Ku siku'. Aku mohakipi sosuai agatn lapo inyo Aku dinga' doi' Bopai-Ku. Somuo koputusan-Ku adil, obai Aku co monuruti kohonda'-Ku siku', apo Aku monuruti kohonda' Sio inyo moutus Aku.

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Yohanes 3:31

Urakng inyo datakng doi' sorugo urakng nanam inyo bokuaso doi' la'apo pan. Urakng inyo boasal doi' dunia ninam monsio biaso, ongkah bopandir mongona'i boko hal duniaam. Yesus datakng doi' sorugo. Sionam inyo bokuaso doi' la'apo pan.

Yohanes 6:33

Obai, roti doi' Allah ia'an Sio inyo turutn doi' sorugo, inyo moonji'i hidup inyo sobondarnyo ko boko urakng di dunia.”

Yohanes 3:13

Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Ibrani 5:8

Biar pan Yesus nantai Ana' Allah, Sio bolajar monaati Allah watu Sio mondorita'.

Roma 15:3

Obai, Kristus pan kinyo bayo monyonangan diri-Nyo siku'. Samo sama'an inyo totulis dalapm Buku Suci: “Kato inyo sia' gunoan pakai' mohayam Duatn, au Allah, sia' gunoan pakai' mohayam aku.”

Efesus 4:9

Porotian cam dalapm ayat nantai ado kato, ‘Sio noi'’. Pasti nantai boroti sobolupmnyo Sio pan udah turutn ko tompat inyo palikng babah di bumi ni'in.

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Yohanes 3:17

Obai, Allah moutus Ana'-Nyo ko dunia ni'in pakai' monyolamant'an boko urakng, bukainyo pakai' mohukupm boko urakng.

Yohanes 5:19

Ongko Yesus monimbas boko pomimpitn agama Yahudi nantai. Kato-Nyo, “Pondinga'ancam bobondar, inyo Ku pandiran ni'in: Ana' kinyo molabuhan boko la'apo doi' kohonda' diri-Nyo siku'. Ana' ongkah molabuhan la'apo inyo Io tiat doi' Bopai. Obai, la'apo inyo dilabuhan Allah Bopai, nantai jam inyo dilabuhan Ana'.

Yohanes 6:29

Timbas Yesus ko sia', “Ni'in pokoroja'an inyo dikohonda'i Allah: ia'an oca' kaitn pocayo ko Io inyo udah diutus Allah.”

Yohanes 6:42

Kolompok urakng Yahudi nantai bopandir, “Yesus ni'in bayo ana' Yusuf pan? Kito konal agatn indai bopai-Nyo. Ubo apo Io ulih bopandir, Aku turutn doi' sorugo?”

Yohanes 6:57

Allah Bopai inyo hidup moutus Aku. Aku hidup doi' Sio. Samo sama'an nantai jam, urakng inyo bopua' isi-Ku, io paca'an hidup doi' Aku.