Yohanes 6:29 - Porjanjian Boharu Torjomahan Baso Dilakng Soari-ari

²⁹ Timbas Yesus ko sia', “Ni'in pokoroja'an inyo dikohonda'i Allah: ia'an oca' kaitn pocayo ko Io inyo udah diutus Allah.”

Yohanes 6:29 ပူးပေါင်းရင်းမြစ်များ

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Markus 16:16

Boko urakng inyo kinyo pocayo paca'an di hukupm. Apo, boko urakng inyo pocayo huatan dibaptis paca'an disolamant'an.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Yohanes 6:28

Obai nantai, sia' bopandir ko Sio, “La'apo kironyo gola' koi pulah, oca' koi monggaian boko pokoroja'an inyo Allah kohonda'i nantai?”

Yohanes 6:38

Obai, Aku udah turutn doi' sorugo bukainyo pakai' molabuhan kohonda'-Ku siku', apo Aku molabuhan kohonda' Allah inyo udah moutus Aku.

Yohanes 6:57

Allah Bopai inyo hidup moutus Aku. Aku hidup doi' Sio. Samo sama'an nantai jam, urakng inyo bopua' isi-Ku, io paca'an hidup doi' Aku.

Kisah Boko Rasul 16:31

Kato sia', “Pocayocam ko Tuhatn Yesus, ongko kolai paca'an disolamant'an. Ubo nian jam soharusnyo dilabuhan ulih somuo urakng inyo tinggal di dalapm rumah kolai.”

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Yakobus 2:22

Jadi, udah jolas Abrahapm bukatn bayo pocayo ko Allah, apo molabuhan porbuatan inyo monyonangan Allah jam. Porbuatan Abrahapm monunju'an obai io bondar-bondar pocayo.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

Wahyu 2:26

Ko boko urakng inyo monang, boko urakng inyo molabuhan kohonda'-Ku sampai ahir dunia, Aku paca'an moonju' ko sia' kuaso di pucu' boko banso.