Yohanes 6:2 - Porjanjian Boharu Torjomahan Baso Dilakng Soari-ari

² Banya' urakng hala tuyut Sio, obai sia' moniant boko mujisat-Nyo monyamani boko urakng sakit.

Yohanes 6:2 ပူးပေါင်းရင်းမြစ်များ

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Matius 13:2

banya' boko urakng datakng. Sia' bososongka'an mongorumuni Sio. Obai nantai, Sio noi' ko porohu lalu dudu' di santai. Sodakan urakng banya' nantai bodiritn di pantai.

Matius 14:14

Watu Yesus mondarat, Sio moniant kotakan banya' urakng di santai. Jadi, Sio mooso salu' agatn sia' lalu monyamani boko urakng inyo boponyakit di antaro sia'.

Matius 8:1

Lopas Yesus turutn doi' bukit, banya' urakng tuyut Sio.

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Markus 6:33

Apo, banya' urakng moniant sia' botula' ongko mongotohu'i tujuan sia'. Jadi, boko urakng doi' somuo kota di doerah nantai monggontas doi' jalatn darat kapikng bonggidi'an oca' sia' holu datakng di tompat nantai sobolupm Yesus ongko boko rasul-Nyo tuntukng ko tompat nantai.

Yohanes 11:47

Jadi, boko urakng Farisi nantai bosamo agatn boko imam kopala' monggoyapi Majelis agama Yahudi pakai' bohoupm. Kato sia', “La'apo inyo gola' kito labuhan agatn Urakng nian? Obai, Sio bulah banya' mujisat.

Yohanes 12:18

Hal nantaiam mombulah boko urakng datakng mohimpa'i Yesus, obai sia' mondinga' Sio nantaiam mombulah mujisat nantai.

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 2:23

Somanah Pogai Paskah nantai dirayoan, Yesus ada'an di Yerusalem. Sio mombulah boko mujisat sobagai tando inyo monunju'an sopo Sio sobondarnyo. Jadi, banya' urakng pocayo ko Sio obai sia' moniant boko mujisat-Nyo nantai.

Yohanes 20:30

Yesus molabuhan banya' mujisat inyo bukai di pohadapan boko murid-Nyo. Apo somuo mujisat nantai co ditulis di dalapm buku ni'in.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 6:14

Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

Yohanes 6:22

Kohobu'annyo, boko urakng inyo ija' tinggal di soborakng danau nantai, moniant obai conyiant ado porohu di santai. Ongkah somamanam ado sobuah porohu, inyo udah dipakai boko murid Yesus. Boko urakng nantai sadar Yesus kinyo tuyut monyomborakng bosamo agatn boko murid-Nyo, apo bayo boko murid-Nyo mo inyo jumpat porohu.

Yohanes 6:26

Kato Yesus ko sia', “Pondinga'anbo bobondar inyo Ku pandiran ni'in: Kaitn monggoyapi Aku bukainyo obai kaitn ngoroti masud doi' boko mujisat. Apo kaitn monggoyapi Aku obai kaitn udah makatn roti nantai sampai konyang.

Yohanes 6:30

Kato sia' ko Sio, “Tando mujisat la'apo inyo paca'an Duatn pulah oca' koi ulih moniant lalu pocayo ko Duatn? Aman angki-bayatn kito, sia' ulih bopua' manna di padakng pasir. Samo sama'an inyo udah totulis di Buku Suci, ‘Sia' dionji'i-Nyo pomakatn roti doi' sorugo.’ Jadi, tando mujisat la'apo inyo paca'an Duatn korojoan?”