Yohanes 6:14 - Porjanjian Boharu Torjomahan Baso Dilakng Soari-ari

¹⁴ Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

Yohanes 6:14 ပူးပေါင်းရင်းမြစ်များ

Matius 11:3

Ongko Yohanes monyiuh boko murid-nyo ko Yesus pakai' botakutn, “Duatn ninam Rajo Inyo Dijanjian Allah? Kata'an Sio urakng bukai? Kata'an koi gola' ija' monanti kodatakan-Nyo?”

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Lukas 24:19

Yesus botakutn, “Poristiwa la'apo inyo tojadi?” “Poristiwa inyo tojadi mongonaꞌi Yesus, urakng doi' laman Nazaret nantai,” kato sia'. “Sio nantai nabi inyo bokuaso doi' Allah. Sio bulah mujisat inyo luar biaso. Sio mongajar boko urakng agatn kotakng pintar-corodi'. Somuo urakng sonang agatn Sio. Apotolagi' Allah!

Lukas 7:16

Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Yohanes 1:21

“Aman ubo nian,” sia' botakutn ko io, “Duatn sopo? Kata'an duatn Nabi Elia doi' joman komai inyo datakng agi'?” Timbas Yohanes, “Bukai! Kata'an duatn Nabi nantaiam nabi inyo koi tantian?” Timbas io, “Bukai!”

Yohanes 11:27

Timbasnyo, “Au, Tuhatn! Aku pocayo agatn Duatn, nam Kristus, Rajo Inyo Dijanjian Allah. Duatn nam Ana' Allah inyo diutus ko dunia ni'in.”

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 4:19

Kato botina' nantai ko Sio, “Bopai, watu ni'in aku tohu obai Duatn ninam nabi.

Yohanes 4:25

Kato botina' nantai ko Sio, “Aku tohu Rajo Inyo Dijanjian Allah paca'an datakng, inyo disobut Kristus. Watu Sio datakng, Sio paca'an momadahan la'apo pan ko kito.”

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Yohanes 6:2

Banya' urakng hala tuyut Sio, obai sia' moniant boko mujisat-Nyo monyamani boko urakng sakit.

Yohanes 6:26

Kato Yesus ko sia', “Pondinga'anbo bobondar inyo Ku pandiran ni'in: Kaitn monggoyapi Aku bukainyo obai kaitn ngoroti masud doi' boko mujisat. Apo kaitn monggoyapi Aku obai kaitn udah makatn roti nantai sampai konyang.

Yohanes 6:30

Kato sia' ko Sio, “Tando mujisat la'apo inyo paca'an Duatn pulah oca' koi ulih moniant lalu pocayo ko Duatn? Aman angki-bayatn kito, sia' ulih bopua' manna di padakng pasir. Samo sama'an inyo udah totulis di Buku Suci, ‘Sia' dionji'i-Nyo pomakatn roti doi' sorugo.’ Jadi, tando mujisat la'apo inyo paca'an Duatn korojoan?”

Yohanes 7:40

Boko urakng mondinga' pomandiran Yesus nantai. Ado boboropo inyo bopandir, “Pasti Sio ninam Nabi inyo koi tantian!”

Kisah Boko Rasul 7:37

Musa ni'in jam inyo udah bopandir ko banso Israel, ‘Tuhatn Allah kito paca'an moutus siku' urakng doi' banso kito. Io paca'an monjadi Nabi samo ubo aku inyo monyampaian pomandiran Allah ko kaitn.’