Yohanes 5:45 - Porjanjian Boharu Torjomahan Baso Dilakng Soari-ari

⁴⁵ Jangan kaitn bopikir obai Aku paca'an monyalahan kaitn di hadapan Bopai. Urakng inyo monyalahan kaitn nan Musa. Kaitn boharap kaitn paca'an disolamant'an obai kaitn monaati porintah Allah inyo ditulis Musa. Apo, justru Musanam inyo monyalahan kaitn.

Yohanes 5:45 ပူးပေါင်းရင်းမြစ်များ

Lukas 16:29

Apo Abrahapm bopandir ko urakng dampu nantai, ‘Boko somadikan kolai udah mondingaꞌ isi boko buku inyo ditulis Musa huatan boko nabi bukai. Sia' gola' borotian huatan monuruti somuo inyo totulis di boko buku nantai.’

Yohanes 12:48

Apo, pas ahir joman nononyo, somuo urakng inyo monula' Aku, somuo urakng inyo co mondinga' pomandiran-Ku, sia' paca'an dihukupm. Sia' paca'an dihukupm sosuai agatn ajaran inyo udah Aku sampaian. Pomandiran inyo Aku sampaian monjadi sama'an hakipm inyo mohukupm sia'

Yohanes 7:19

Musa udah moonju' ko kaitn Hukupm Torat. Apo conyiant sikuꞌ urakng pan di antaro kaitn inyo monaatinyo. Hibo kaitn honda' mombunuh Aku?”

Yohanes 8:9

Lopas sia' mondinga' pomandiran Yesus nantai, sia' botula' doi' siatn nantai, siku'-monyiku', mula'i doi' inyo totuho. Ahirnyo, ija' Yesus agatn botina' nantai cam inyo tinggal di santai.

Roma 2:12

Obai somuo urakng inyo bodosa co bohukupm Torat paca'an bonaso agatn kinyo bohukupm Torat; agatn somuo urakng inyo bodosa di babah hukupm Torat paca'an di hakipi ulih hukupm Torat

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”