Yohanes 5:40 - Porjanjian Boharu Torjomahan Baso Dilakng Soari-ari

⁴⁰ Biar pan ubo nian, kaitn co honda' datakng ko Aku pakai' mondapat'an hidup nantai.

Yohanes 5:40 ပူးပေါင်းရင်းမြစ်များ

Yohanes 3:19

Hukupan nantai tojadi obai ni'in: Torakng udah datakng ko dunia. Apo monsio lobih sonang agatn golap daripado torakng. Sia' lobih sonang agatn golap obai boko porbuatan sia' jahat.

Yohanes 1:11

Sio datakng ko banso-Nyo siku', ia'an banso Yahudi. Apo sia' kinyo pocayo agatn Sio.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Matius 23:37

Lalu Yesus bopandir agatn salu', “Oi, boko urakng Yerusalem. Kaitn mombunuh boko nabi. Allah moutus boko urakng ko kaitn, apo kaitn monikapm sia' agatn batu sampai mati. Aku honda' hala molinduki kaitn, samo sama'an indai manu' inyo molinduki poana'annyo di babah sayapnyo. Apo, bolai' kaitn.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 5:44

Nantai obai kaitn gala' hala bogoyap kohormatan doi' sosamo kaitn mo. Apo kaitn co kalo goyap pujian doi' Allah inyo satu-satunyo inyo bondar. Aman ubo nian, pasti kaitn co pocayo agatn Aku!

Matius 22:3

Rajo nantai monyiuh boko hulutnnyo oca' moningkau boko urakng inyo dihundakng boko hulutnnyo, inyo bukai. Katonyo boko urakng inyo dihundakng ko pogai nantai kinyo honda' datakng.

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Yohanes 5:41

Aku co bogoyap pujian doi' monsio.

Yohanes 10:10

Pongolit datakng ongkah bayo honda' mongolitam, mombunuh, mombonasoannam. Apo Aku datakng pakai' moonji'i hidup, ia'an hidup inyo sonang-nyaman.